牧羊少年咖啡館 (Closed)

年近歲晚準備除舊迎新，朋友將舊書送至漂書館，與此同時來個假日 brunch沾沾文化氣息。餐廳座落荃灣大會堂內，格局有啲似小型圖書館， 好似唔食野都有啲書卷氣落咗肚咁。原打算來個 All day breakfast ，但睇 Menu後見牛角包餐好大個，俾佢勾引之下就改變初衷。有餡料嘅牛角包豐富了味道口感，除了包嘅牛油香，咸牛肉嘅肉香味的確倍增滿足度，遺憾個包冇溫度，如果唔係香味一定陪增。碟上嘅沙律菜份量亦較少，不過熱辣辣粗厚薯條搭夠補返唔少分。維也納咖啡内注入大量忌廉，忌廉帶走曬咖啡嘅苦澀味，入口立時口甜舌滑，雖然唔係自己喜歡嘅咖啡口味，但一定啱咁喜好滑溜口感嘅朋友。