Cozy Coffee

Open Now

Now Closed

第一次去南豐紗廠，因為好肚餓既關係求其搵咗間野食。去到人流唔多所以好快有位。咁佢就需要自己出去嗌野食同埋俾咗錢先，所以揀完就出去買。但收銀哥哥既服務態度令我地未食野已經感覺有少少差，好似好唔想做生意咁🌚 同埋我地可能好少見收銀員係單手俾番野人地，感覺有啲唔禮貌。雖然話食少少野唔好要求咁多，但呢啲好基本😕嗌咗鮮奶咖啡，蕃茄意粉同漢堡包。咖啡一般。個意粉幾好食，不過啲蝦有少少霉。漢堡包等咗應該有大半個鐘先到，對於人流唔多既時候已經係好耐，想像唔到多人既時候要等幾耐😨，不過好食的！不過要讚做侍應既女仔，有禮貌同埋指示清晰，而且有request都好快幫我地解決👍🏻總結食物一般，等得比較耐，服務態度有改善空間。