Video
Read full review
2024-07-24
6940 views
買一送一，嚟試吓港麗嘅自助午餐。環境舒服、好坐，空間感大，侍應服務殷勤，態度好。但食物真係令人失望，選擇少都算，質素又唔高。凍海鮮分別有蟹腳（蟹味淡）、龍蝦鉗（蝦味淡）、青口和蜆。質素一般。魚生有四款，三文魚算肥美，其他正常。熟食麻麻，牛扒韌且無牛味，羊同雞非常一般，叉燒較瘦+鞋。沙律吧就幾優質，兩大櫃幾十種配菜可以揀，連新豬肉都有兩三種，如果鍾意食沙律會幾開心。甜品是難食重災區，意式奶凍完全唔滑，較似啫喱，有一杯直程淡而無味。除咗芝士蛋糕，其他例如紫薯撻和朱古力咖啡cake都好粗糙。最近啲cream好貴咩？雪糕有提供四種movenpick口味，但要問職員拎先有，i人地獄。最後，碟未用就有硬咗嘅污漬，好驚驚。因為之前未嚟過，好難講係咪將貨就價，畢竟二百幾喺金鐘食嘢的確唔算多，但酒店盛名之下，如此質素令人失望。
環境舒服、好坐，空間感大，侍應服務殷勤，態度好。
但食物真係令人失望，選擇少都算，質素又唔高。
凍海鮮分別有蟹腳（蟹味淡）、龍蝦鉗（蝦味淡）、青口和蜆。質素一般。
魚生有四款，三文魚算肥美，其他正常。
熟食麻麻，牛扒韌且無牛味，羊同雞非常一般，叉燒較瘦+鞋。
沙律吧就幾優質，兩大櫃幾十種配菜可以揀，連新豬肉都有兩三種，如果鍾意食沙律會幾開心。
甜品是難食重災區，意式奶凍完全唔滑，較似啫喱，有一杯直程淡而無味。除咗芝士蛋糕，其他例如紫薯撻和朱古力咖啡cake都好粗糙。最近啲cream好貴咩？
雪糕有提供四種movenpick口味，但要問職員拎先有，i人地獄。
最後，碟未用就有硬咗嘅污漬，好驚驚。
因為之前未嚟過，好難講係咪將貨就價，畢竟二百幾喺金鐘食嘢的確唔算多，但酒店盛名之下，如此質素令人失望。
Post
