Video
Read full review
2021-12-21
709 views
「今晚 .. 可摸耳陪我食飯.」「可摸耳 ? 摸你隻耳 ? 」我回道 . 「可唔可以陪我食飯 ? 我係北角 . 」「可以 , 但你要等我搭車過黎.」我回道 . 「Okay.」一見面 , 佢就俾咗一箱野我拎住 . 原本我都唔知點解突然約我 , 直至我細細聲問佢呢箱唔通毒品黎 ? 佢先講我聽 佢今日俾人炒魷魚 佢今日炒左老闆魷魚.「咁今餐我請啦 , 當補償我咁遲先到.」(哄下佢都應該既)因為有一大箱野 , 所以就搵咗呢間坐得舒服啲又有卡位既四寶食堂 .點知佢一落單就落咗一個叉燒滑蛋飯同三道小菜 (一碟檸檬雞球 , 一碟忌廉栗米石班塊, 一碟椒鹽豆腐 ) , 仲想飲啤酒 !!!!!!!! 化悲憤為食量 ??????野食就隨佢叫啦 , 但啤酒就唔好啦 . 我見小菜加20蚊就可以升級套餐 , 有個養生燉湯 , 就呢個啦 , 再加杯忌廉紅豆冰俾佢 .叉燒滑蛋飯一上枱俾佢嚇親 , 洗唔洗咁大碟 !? 啲叉燒蛋鋪得好滿 , 叉燒唔嚡口 , 滑蛋冇水汪汪亦冇過老 , 淋係面既黑蒜油幾好 , 令整體食落冇咁膩 .不過我最大疑問係佢究竟用咗幾多隻蛋 ? 檸檬雞球 睇返餐牌全名應該係火龍果柚子檸檬雞球 ,
「可摸耳 ? 摸你隻耳 ? 」我回道 .
「可唔可以陪我食飯 ? 我係北角 . 」
「可以 , 但你要等我搭車過黎.」我回道 .
「Okay.」
一見面 , 佢就俾咗一箱野我拎住 . 原本我都唔知點解突然約我 , 直至我細細聲問佢呢箱唔通毒品黎 ? 佢先講我聽 佢今日俾人炒魷魚 佢今日炒左老闆魷魚.
「咁今餐我請啦 , 當補償我咁遲先到.」(哄下佢都應該既)
因為有一大箱野 , 所以就搵咗呢間坐得舒服啲又有卡位既四寶食堂 .
點知佢一落單就落咗一個叉燒滑蛋飯同三道小菜 (一碟檸檬雞球 , 一碟忌廉栗米石班塊, 一碟椒鹽豆腐 ) , 仲想飲啤酒 !!!!!!!! 化悲憤為食量 ??????
野食就隨佢叫啦 , 但啤酒就唔好啦 . 我見小菜加20蚊就可以升級套餐 , 有個養生燉湯 , 就呢個啦 , 再加杯忌廉紅豆冰俾佢 .
叉燒滑蛋飯
一上枱俾佢嚇親 , 洗唔洗咁大碟 !? 啲叉燒蛋鋪得好滿 , 叉燒唔嚡口 , 滑蛋冇水汪汪亦冇過老 , 淋係面既黑蒜油幾好 , 令整體食落冇咁膩 .
不過我最大疑問係佢究竟用咗幾多隻蛋 ?
檸檬雞球
睇返餐牌全名應該係火龍果柚子檸檬雞球 , 其實就係柚子檸檬汁炸雞球 , 然後有啲火龍果做伴碟 , 賣相唔錯 . 雞球屬於剛好炸起好脆身果隻 , 配埋
啲酸酸甜甜既汁幾正。
忌廉栗米石班塊
呢個我食落應該係真石班 (唔係唔好搵我,我唔係海關,Tks) , 同雞球都係一樣熱辣辣炸起 . 忌廉栗米係北海道形式 , 顏色比平常白 , 質地黏稠啲 , 更容易掛係石班塊上面。
椒鹽豆腐
通常坊間既椒鹽豆腐都會切到好細粒 , 但呢間反傳統係「一碌碌」上 , 但口感一樣咁豐富 , 外脆內軟真係好難唔鍾意 . 呢道菜都係佢食得最多既一道 .
雖然飽到痴線 , 但見佢開心返都值得既 . 下次再食 ? 得 , 但唔會俾佢落單囉 !
Post
