Read full review
2020-10-14
329 views
朋友知道我都鐘意睇波,於是今晚係太和食飯佢就帶我黎到哩間酒吧邊食邊睇,一入到去,燈光比較暗,最裡面有張大吧枱,供應食物和酒水,餐廳設有兩部電視專播足球賽事,客人可自行選擇坐高身枱或平時坐開的普通枱,我地坐低左後,朋友急不及待地叫左個火箭菜巴馬火腿pizza,加個忌廉牛油果扁意粉配香草烤雞。我地一邊睇住球賽一邊等野食,pizza先上枱,面層好多火箭菜同芝士粉,pizza邊烤到微微焦,切開黎見到仲有巴馬火腿、蕃茄粒同芝士粒係當中。意粉都上枱,望落好creamy, 除左有烤雞肉、牛油果仲有彩椒同洋蔥做配搭,意粉食落彈牙,烤雞肉香之餘咬落嫩滑帶點微辣,份量都屬於大碟,兩個人食剛剛好。食完野大概九點左右,人流開始多熱鬧起黎,朋友唔鐘意太嘈吵,所以坐多陣都走了。
我地坐低左後,朋友急不及待地叫左個火箭菜巴馬火腿pizza,加個忌廉牛油果扁意粉配香草烤雞。
我地一邊睇住球賽一邊等野食,pizza先上枱,面層好多火箭菜同芝士粉,pizza邊烤到微微焦,切開黎見到仲有巴馬火腿、蕃茄粒同芝士粒係當中。
意粉都上枱,望落好creamy, 除左有烤雞肉、牛油果仲有彩椒同洋蔥做配搭,意粉食落彈牙,烤雞肉香之餘咬落嫩滑帶點微辣,份量都屬於大碟,兩個人食剛剛好。
食完野大概九點左右,人流開始多熱鬧起黎,朋友唔鐘意太嘈吵,所以坐多陣都走了。
Post