大熊本洋風料理 (Closed)

同朋友講開一些不三不四的日本料理,大熊本總會在名單之列,不須認還須認,我係去過的,不過唔係近期,而係沙士打後無耐.但印像依然Dark Black.有朋友將會離鄉別井,臨別抽波話要吃頓日本菜才上路,地點仲要講到明係銀城樓上的"大熊本".眾人本著去中菜館的意願,已被完全推翻.註明洋風料理,即係忽日忽西,大約同Pokka,沙龍同系.層次仲要低一級,店內格局,只能同高級茶記相比.此處是旺角,食客通常要求唔高.唔去落本裝修,可以理解.對住個餐牌,仲慘過查黃頁,邊味菜吃得下呢?左點右點,主菜要左個鰻魚飯,其他加州卷,沙蛆魚,幾個人分.鰻魚飯上桌,單睇已經個心黎左一黎.飯底唔係日本米,只係絲苗米.簡直離晒罩(基於尺度所限,用詞已經非常溫和.)面頭椰菜金菇炒埋一碟,仲恐怖過部Coach在highway上炒車之景像.食味唔使多講,難吃.加州卷整色整水,在頭一件加隻蝦頭裝飾,卷物本身係無蝦的,擺到明妖言惑眾,掛蝦頭賣狗肉.沙蛆魚算叫入得下口,去到呢個階段,食龍肉都無味.雖然去得呢類地方就真係預左,針吉到肉才覺痛,請埋主人翁,每人百幾銀.肉赤到入心.難得主人家,還覺得好好味,才令人費解.你同我都唔同,口味當