饑落亭 (Closed)

沙田禾輋陳根記出曬名大排檔小炒，而家開到入大埔，大埔人有福了。今日叫老公揸車陪個美國返來的朋友一嚐香港地道大排檔滋味。這裏鄰近大埔市政大樓，附近有錶位，方便泊車。晚飯加一蚊有炸腐皮卷，香脆可口。馬拉盞炒芥蘭~ 炒得好香，芥蘭啱季節，馬拉盞味道又香又濃，最啱我。金湯酸菜魚~ 味道唔算好辣，朋友讚不絕口，湯底酸酸辣辣，堅得。魚肉爽滑唔會散開，熟的程度剛好，推介。中式牛仔柳，味道香濃，肉質有口感得嚟唔會韌，正！川味腩肉豆腐煲~ 麻辣風味我至愛，腩肉爽口，感覺唔肥膩。蒜蓉海蝦石鍋飯~煲仔飯用石鍋上，加埋計時器，打開蓋，熱辣辣，香噴噴。海蝦新鮮配蒜蓉粉絲，加埋豉油最好味，煲仔飯焦脆卜卜，手快有手慢冇。叫咗兩份甜品試下，恐龍奶凍~ 上面自行灑上朱古力粉，阿女至愛朱古力甜品。芒果木糠布甸超好味，超好食，又香又滑，食到飽飽都要同阿女爭食最後一啖。