Video
Read full review
2017-10-29
137 views
朋友話公司附近有間靚景+手工精緻既火鍋~ 叫我地一齊去試下~ 梗係逢陪啦！ 環境: 一出Lift, 見到個門口同入面既裝修, 一d都唔似平時去開既火鍋店~ 好grand, 好trendy, 睇落幾乾淨, 唔會似火鍋店專有既油笠笠感~~ 感覺似酒店多過火鍋店, 再行入d店內, 原來地方好大, 好寬敞, 有好多長長高高的卡位坐得舒服, 又夠私穩, 同其他枱的顧客保持距離, 唔會好嘈吵~ 可以邊打邊爐邊細聲傾下計。P.S. 最值得留意既係個夜景餐廳有個小露台，可以同朋友出去飲住野，嘆夜影好迷人呢...食物:坐低即上兩個前菜同醬料... 嘩...9公格咁多...啱晒我的醬怪friend, 佢真係咩都試勻, 發現原來9格中, 有1格相同架...哈哈，我話計埋自己個碟豉油，咪係9款囉! 咩菜都未點，已經俾我食晒兩個前菜喇... 麻辣麻醬手撕雞，超好食! 雞絲嫩滑爽口，本來麻醬已經係我最愛，點知呢個加咗d麻辣汁，少少辣好惹味，完全停唔到手！ 麻辣木耳都好好食，有點酸又帶點辣，好開胃。 我地叫咗酸菜卜卜蜆湯底，真材實料，蜆肉超多，食到最後都仲撈到...不過早啲食晒啲蜆好啲，唔係就太韌 個酸菜湯底仲
環境:
一出Lift, 見到個門口同入面既裝修, 一d都唔似平時去開既火鍋店~ 好grand, 好trendy, 睇落幾乾淨, 唔會似火鍋店專有既油笠笠感~~ 感覺似酒店多過火鍋店, 再行入d店內, 原來地方好大, 好寬敞, 有好多長長高高的卡位坐得舒服, 又夠私穩, 同其他枱的顧客保持距離, 唔會好嘈吵~ 可以邊打邊爐邊細聲傾下計。
P.S. 最值得留意既係個夜景
餐廳有個小露台，可以同朋友出去飲住野，嘆夜影好迷人呢...
食物:
坐低即上兩個前菜同醬料... 嘩...9公格咁多...啱晒我的醬怪friend, 佢真係咩都試勻, 發現原來9格中, 有1格相同架...哈哈，我話計埋自己個碟豉油，咪係9款囉!
咩菜都未點，已經俾我食晒兩個前菜喇... 麻辣麻醬手撕雞，超好食! 雞絲嫩滑爽口，本來麻醬已經係我最愛，點知呢個加咗d麻辣汁，少少辣好惹味，完全停唔到手！ 麻辣木耳都好好食，有點酸又帶點辣，好開胃。
我地叫咗酸菜卜卜蜆湯底，真材實料，蜆肉超多，食到最後都仲撈到...不過早啲食晒啲蜆好啲，唔係就太韌 個酸菜湯底仲有幾濃既胡椒味，有啲似胡椒豬肚湯咁微微既酸，加上胡椒既通鼻效果，幾醒胃，一路食都唔會覺得好膩。配埋豆腐卜、菇吸晒個湯汁，好飽足
西班牙黑毛豬肉，睇落顏色肥瘦均勻，肉薄又快熟，食落好濃肉味，口感爽潤。如果可以任食呢款，我應該會揀x10
西班牙黑毛豬肉片
21 views
0 likes
0 comments
整體食物都係好食既，特別深刻既係個手工響鈴，超級大件，感覺無平時食既咁硬，碌一下已經8、9成淋，可以食得，果然係即炸手工料。
特選手工火鍋拼盤擺設好精緻，好高級咁...食落真係有驚喜丸都是鮮製，好爽口彈牙，味道夠鮮。黑松露餃子香濃皮滑，肉汁仍然鎖實響餃內，而松露香味停留，久久未散。 墨魚汁鳥結糖，應該係墨丸既化身，同丸一樣爽口彈牙，墨魚粒粒好多，真材實料。
飲品呢，火鍋店黎講，真係幾有heart! 有沙冰、盆栽奶茶同花茶，款式都幾多。
熱辣辣打邊爐配凍冰冰飲品就啱晒喇，特別係大大杯沙冰，慢慢溶冰，keep住都係凍飲。朋友杯柑桔檸檬雪碧沙冰幾好，酸酸地，飲兩啖解下滯。
我杯盆栽朱古力珍珠賣相幾靚，有oreo餅碎又有珍珠，多重口感，不過作為朱古力super fans既我覺得朱古力可以再濃味啲...朋友就話剛好...各有喜好...
特選手工火鍋拼盤
12 views
0 likes
0 comments
服務:
侍應哥哥姐姐都面帶笑容，上落菜都大方得體，服務周到，仲特意為客人介紹露台美景，同幫手拉門等我地出露台欣賞，還有一位哥哥幾風趣幽默，在點菜傳菜時與客人互動，令飯局倍添歡樂。
Post
