金船長餐廳 (Closed)

位於大角咀嘅呢一間西餐廳，雖然外表唔係10分出眾，不過每次經過總會見到佢滿座，即使唔係周末，無論係咩時段成間餐廳都總會坐滿客人！如果唔係啲嘢特別好食，又點會吸引咁多人留低呢？最鍾意佢呢度嘅黑松露菌醬意式薄餅，完全係出邊食唔到嘅味道！超級豐滿嘅黑松露醬，夾係外脆內軟嘅Pizza裏面，面頭鋪們碎芝士，嗰種口感難以形容！呢個誠意推介真係一定要試。太太點左白酒忌廉汁配三文魚比目魚，一個主菜食晒兩種魚，完全滿足晒鍾意食魚嘅太太！金船長梳乎里亦都係每次太太最鍾意點嘅甜品，呢度有新款口味可以選擇，薑味，橙味，原味！橙味係特別好食嘅！一啲都唔會有飽飽仔仔嘅感覺。蜜糖慢煮烤豬手，今次第一次叫，一上枱果下真係俾佢嚇親，豬手嘅份量帶到難以形容，可以話係三個人share食都OK，慢煮豬手煮到軟林林，非常之咁入味！你一餐真係好飽好豐富。