Video
Read full review
2022-10-13
310 views
月半堂💛大阪燒風味脆雞 $48吉列蝦蟹籽明太子烏冬 $58吉列鹿兒島三元黑豚 $58升級套餐: 前菜+漬物+味噌湯+原味波子汽水 +$12x3秘製黑松露薯條 $38人均消費: $79.4 (3人)-大阪燒風味脆雞🐤好榮幸可以提早試到老闆新Menu嘅炸雞🏅佢另外請咗我哋食幾舊舊嘅炸雞試吓個分別😚個做法的確係改良咗😍令到個味道同口感都有所提升嘅📈啲雞都係用返同樣嘅品種🐥以往嗰隻雞比較似係有一層炸衣所以冇咁脆 冇咁香口同埋好似有啲油黐住嗰塊雞 會令到成舊雞 整體感覺上油膩感覺上食一嚿 係還可以嘅但食多咗 感覺就未必太擺到落口 太油膩啦但係！！！改良咗嗰個 佢會有一個脆身啲嘅炸衣🤤同埋會可以令到佢嗰啲油脂好好咁樣同炸衣黐埋一齊😝感覺上就唔會話咁分開😋令到成個炸雞會同炸衣一體化咗 二合為一👏🏼·吉列蝦蟹籽明太子烏冬🍤佢係屬於扁扁地嘅烏冬🍜好有彈性咬口 又唔會太硬嗰隻😋佢係偏淋身嘅烏冬 又好有彈性有好多明太子同好多汁 成個烏冬好creamy 可以話係烏冬版嘅risotto💁🏽♀️食落去 有啲奶粉味感覺上佢呢個好重奶香味🍼就算加上明太子嘅鹹味 都會食得出佢好重嘅奶味同埋好純口嘅嗰種感覺 所以感覺上唔
大阪燒風味脆雞 $48
吉列蝦蟹籽明太子烏冬 $58
吉列鹿兒島三元黑豚 $58
升級套餐: 前菜+漬物+味噌湯+原味波子汽水 +$12x3
秘製黑松露薯條 $38
人均消費: $79.4 (3人)
-
大阪燒風味脆雞🐤
好榮幸可以提早試到老闆新Menu嘅炸雞🏅
佢另外請咗我哋食幾舊舊嘅炸雞試吓個分別😚
個做法的確係改良咗😍
令到個味道同口感都有所提升嘅📈
啲雞都係用返同樣嘅品種🐥
以往嗰隻雞比較似係有一層炸衣
所以冇咁脆 冇咁香口
同埋好似有啲油黐住嗰塊雞
會令到成舊雞 整體感覺上油膩
感覺上食一嚿 係還可以嘅
但食多咗 感覺就未必太擺到落口 太油膩啦
但係！！！
改良咗嗰個 佢會有一個脆身啲嘅炸衣🤤
同埋會可以令到佢嗰啲油脂好好咁樣同炸衣黐埋一齊😝
感覺上就唔會話咁分開😋
令到成個炸雞會同炸衣一體化咗 二合為一👏🏼
·
吉列蝦蟹籽明太子烏冬🍤
佢係屬於扁扁地嘅烏冬🍜
好有彈性咬口 又唔會太硬嗰隻😋
佢係偏淋身嘅烏冬 又好有彈性
有好多明太子同好多汁 成個烏冬好creamy
可以話係烏冬版嘅risotto💁🏽♀️
食落去 有啲奶粉味
感覺上佢呢個好重奶香味🍼
就算加上明太子嘅鹹味
都會食得出佢好重嘅奶味同埋好純口嘅嗰種感覺
所以感覺上唔係好啱唔係特別愛好芝士同奶製品嘅🦤
但如果係芝士奶類製品愛好者食落去💛🥛🧀
就會覺得又creamy又香奶味
同埋又有明太子味
明太子唔會死鹹 會可以食得晒嘅
Even佢嘅份量有啲大😏
同埋仲有粒粒嘅蟹籽同紫菜
佢啲明太子有少少辣辣地嘅🌶
有2隻吉列蝦都好炸🍤
佢嘅炸衣都有少少厚
食到入邊嗰隻蝦都算新鮮嘅
佢成個吉列炸蝦有埋個蝦尾
可以食曬成條蝦好正🤤🤤🤤
·
吉列鹿兒島三元黑豚🐷
炸豬扒啱啱好 炸得勁好食😋
因為佢炸嗰塊皮個厚度啱啱好
唔會話太厚 又唔會話太薄
唔會話厚到淨係食到佢嗰個炸衣 食唔到佢啲肉
炸衣脆身得嚟 仲保留住佢啲肉汁💦
唔會似妨間嗰種吉列豬扒咁乾
同埋唔會令到個豬扒同炸衣分開
真係好Perfect咁樣 可以黐埋一齊😚
同埋嗰個豬係厚身啲嘅🐷
所以食落去嘅感覺 會更加豐富同紮實啲
咬落去好淋 啲肉質唔柴 係啱啱好🤤
唔會感覺上係攝牙罅😬
一咬落去 就會分開
唔使話咬多幾下 先會斷
佢咬落去嗰種感覺 唔會話太硬
係比較鬆脆啲嘅感覺👻
所以係真係幾好食嘅 個炸豬扒
個CP值好高🤩🤩🤩
個飯都有啲大碗 多到食唔晒
因為本身佢塊炸豬扒都唔細塊
所以食完個炸豬扒 再食飯 都已經好飽🍚
飯上面嘅飯素 幾好食嘅😋
都同平時屋企可能買返去撈飯食嘅一樣
冇咩特別
·
升級套餐: 前菜+漬物+味噌湯+原味波子汽水
🐚前菜: 螺肉🐚
佢最正嘅係用嗰個螺肉嚟做一啲小菜
有啲似普通日本嗰啲小菜 好正🤤
🥒漬物: 日本醃過嘅小黃瓜🥒
跟住呢個漬物係日本醃過嘅小黃瓜
佢有啲似酸瓜 醬瓜啲friend
再有種醃製過嘅感覺
有種獨特嘅味道 但係我又講唔出🤣
不過🐱就唔係特別鍾意
🥣麵豉湯🥣個麵豉湯都幾好飲😋
不過對我嚟講 有啲鹹
入邊好多料 啲配料好豐富😍
有名門卷2塊 蜆1隻
仲有1塊昆布 定唔知海苔
名門卷普普通通 唔係粉嗰隻 所以都OK嘅😝
個蜆都幾大隻 都偏新鮮🤤
唔會話有種好腥貝殼類嘅味道
佢入邊唔會有沙 個味道係比較鮮味
所以令到個湯都會有種鮮味喺度
而昆布海苔係偏厚厚地嘅
都係屬於大塊嘅
🍾原味波子汽水🍾
佢都幾細心🥰
個波子汽水幫我哋撳埋
不過擺得耐咗 可能有啲冇氣🥺
但對我嚟講 都係甜咗少少
·
秘製黑松露薯條🍟
佢個薯條好好食🤤
佢啱啱炸好 就即刻俾我哋 所以熱辣辣🔥
佢個黑松露醬超正😋
個味道啱啱好 唔會話有種太漏嘅感覺
個份量超足料 裝到滿晒
兩邊份量比到夠晒足嘅時候 就會有啲食到好飽🤰🏽
個薯條炸得啱啱好😚
唔會話炸得太乾身 又唔會太窿 軟硬適中👍🏽
同埋可以食到佢入邊好香嘅薯仔味🥔
個薯條係真係用薯仔蓉嚟整嘅薯條
佢係粗粗地同幼幼地嘅薯條之間
唔會feel到佢係太炸
佢係似偏油炸嘅薯條 多過炸到脆卜卜嘅薯條
但又唔會有種太過油膩嗰浸油味喺度
同埋口感唔會話太硬 太脆或者太淋🤤
再點埋個黑松露醬 真係超正🤩
個老闆真係好人到傻
老闆話 如果唔夠醬嘅話 可以再添😝
所以我哋可以係咁食黑松露醬 超滿足
令每條薯條都可以食到滿滿嘅黑松露醬
呢個係非常之加分嘅位👍🏽👍🏽👍🏽
證明佢個黑松露薯條唔會好似出面嗰啲咁偷工減料😏
·
👆🏽額外嘅沙律醬 點豬同埋雞🤣
·
以上評價 同🐱 🦤一齊寫
所以帶返頭盔先👷🏽
-
11/10/2022 ate
個老闆真係好好人 所以一定會再去😝
老闆都好Nice 服務態度都幾好💛
會好友善咁樣同我哋傾吓計💬
所以呢一點係幾欣賞嘅👍🏽
同埋好難得香港而家會有老細係好care個食客嘅諗法
佢哋真係會發現食材可能點樣改進 會更加令到食客覺得好味
親自落手落腳去搞返好
所以都好欣賞佢呢一點👍🏽
成個用餐環境都幾好
有啲好靚 有關日本嘅壁畫😍
同埋好鍾意佢出面嘅霓虹燈裝飾🥰
不過溫度上 有啲凍❄️
可能因為入秋同埋冷氣都比較強勁
有set最低人均消費💰
晏晝: $50; 夜晚: $60
坐喺度食嘢時間: 60分鐘
下次一定要試佢嗰個雪糕窩夫🍨🧇
老細應該對佢嗰個雪糕窩夫 好有信心😌
所以先會推薦我哋食
同埋嚟緊14/10會有更新嘅Menu
(Openrice出咗呢篇嘢嘅時候 應該係新Menu)
都望到個新Menu會多咗好多嘅小食🤤
例如章魚燒 炸魷魚🦑
同埋係會有改良版嘅食物
下一次一定要試埋佢😝🤤
店舖Menu同營業時間可以留意番佢IG💁🏽♀️
@half_moon108
-
好味程度：🌕🌕🌕🌕🌑
抵食程度：🌕🌕🌕🌑🌑
環境靚靚：🌕🌕🌕🌕🌑
服務態度：🌕🌕🌕🌕🌕
會回頭率：🌕🌕🌕🌕🌑
·
#od荃灣覓食之旅#od食日本嘢
·
希望疫情快啲完結啦💛
大家都要身體健康💛
Post
