月半堂

Open Now

Now Closed

之前經過海濱花園，看到餐廳漂亮而簡約的裝潢，已有興趣入來一試。適逢今天比較得閒，有空出外走走，便決定在此吃午餐。當時將近下午兩點，我成了店內唯一的客人，不知道坐哪裏才好，自然感覺些微浮躁不安。加上選擇困難發作，害我良久未能自助點餐。幸好，店員們也相當友善，一邊示意我隨便就坐，一邊遞上額外的餐牌（天啊！），還不忘提醒我可以請他們協助人手下單。為免麻煩，最後還是自己點了餐牌上最吸引我的「吉列三元黑豚拼吉列廣島蠔」套餐。加了 $14 升級包括日本 100% 提子汁、前菜、漬物和味噌湯；白飯亦加了 $14，轉為蛋包飯。首先來的是提子汁。最近警方常常呼籲市民「提子」、「提子」，提防騙子。那麼，身為良好市民，而且愛國又愛港的我，當然不會放過響應政府宣傳的機會。不過，「利申」、「利申」，利益申報：我可是一分錢也沒有收到的。只是如果有的話，我便可能要「唱衰」這罐果汁了，畢竟它是貨真價實的日本產品。提子汁就幾清新、幾好飲；至於有關那些年的事，就留待大家自行進行中國歷史補完吧！對了，剛才還沒有說到，我最後選擇了近落地窗邊、對着小街的梳化位置。原本貪新鮮，以為梳化較為舒服，怎料坐得耐才發現與桌子的距離有點遠

荃灣海濱花園，本來人流就唔多，呢度仲要係美食沙漠，附近只係得茶餐廳，同酒樓，基本上可以話係完全冇咩好嘢食。🥲呢間月半堂，開左都有一段時間，講裝修同味道，簡直就係海濱花園嘅清泉👍🏻。最近轉咗手，嚟緊仲會有新Menu😬，絕對值得推介俾大家👍🏻。⭐️極上燒牛肉定食牛肉汁好好味，份量亦好多！牛肉唔會話好油，炒得都好乾身。味道上就比較濃味，所以好好送飯！呢個我幾推介，黎過幾次都會叫呢款。⭐️蔥燒炒豚肉定食豚肉就相對比較淡味一啲，不過都炒得好食，唔會話好乾。不過我就覺得佢切得薄啲會好食啲，同入味啲。⭐️半條特選蒲燒鰻魚定食鰻魚係一整條咁上，所以都算幾抵食。個面有做到焦焦地既效果，都幾唔錯。但啲汁有點太多了，太搶戲，如果個汁少返啲會好啲。⭐️炭燒竹輪明太子烏冬條竹輪係超級大條！仲要有兩大條！絕對唔係平時食開個啲獅子狗。食完2條，其本上已經好飽。明太子唔算好多，忌廉汁都偏浠，唔算好掛面，但味道係可以的。⭐️(定位贈送)雞肉串雞肉串就中規中矩，送都還好既。但我諗其他小食會吸引啲😬總括黎講，我覺得以海濱花園區黎講，能夠搵到一間四正又好食既餐廳，已經好唔容易。所以好似月半堂呢種各方面都平均既餐廳，都係值得大大力推介俾

大阪風竜田揚炸雞（$52）升級套餐（+$8）炸雞份量足，有5-6件，即炸，香脆，裡面仲有肉汁，配以木魚片、椰菜絲。升級套餐包括前菜（帶子群邊）、漬物（醃青瓜）、味噌湯、汽水，加8蚊抵比。白飯可要求加飯素，撈飯一流。小店裝潢好有日本feel。入座時店內只有兩枱客，但好快已經full哂，人多的時候就略嫌逼及嘈少少。

唔係同事介紹都唔知道香港有咁出色嘅日本定食（但係平民價！），同同事食完之後自己都特登坐238M入嚟食咗兩次（好近巴士總站，其實都好易到）。兩款炸雞定食都好好食，炸得好鬆脆，好似一塊薯片包住嫩滑嘅雞肉，但沙律雞如果一個人食晒真係太full。呢個價錢有珍珠米真係難得，其實飯嘅質素真係好重要，加上佢嘅飯素好惹味。好難得香港有日本餐廳令我覺得有日本嘅感覺（我指味道上，雖然佢嘅佈置都好日本）老闆超好人，送咗幾粒明太子章魚燒俾我哋試。🙏🏼🥹 返工日子有咁高質素嘅午餐真係格外醒神！如果熱飲有多啲選擇就好啦，佢嘅玄米茶係好味，但飲到要食埋啲茶葉落肚又唔知點樣隔開啲茶葉同玄米實在有啲狼狽。😅有一次我哋揸車落去拎外賣，雖然車程來回只係15分鐘內，已經知道焗住嘅話唔食炸嘢會比較好，叫咗個鯖魚定食，但非常失望，條魚比較乾同腥，飯素少，飯太多，又冇汁，同堂食質素實在差太遠，而且佢用啲細膠兜裝住啲錢財，我哋覺得非常浪費，情願唔好比我地。同埋外賣定食原來冇熱飲㗎。由於堂食質素太出色所以落差實在太大😅所以，我都係繼續幫襯飯堂食😍

成個用餐體驗好差首先，我同屋企人三個人去食，去咗幾次，差唔多每次都係比張兩人枱加張凳仔比我哋。已經唔係好夠位坐，仲要擺三碟嘢食，難道真的夠位嗎？其次，我哋叫咗三個火鍋，原本三個都係轉烏冬，但係其中一碗送錯咗，變咗飯，我哋就同佢講，佢哋就話「裝咗就唔可以轉」本身就係佢嘅問題，仲要唔幫人轉係咩事🤣

疫情期間，通常大家都係落樓下買嘢食，喺舊年自己屋苑樓下就開咗一間人氣日式餐廳，唔止自己人食😆😆而家仲多咗好多區內人過嚟食添，因為真係性價比極高啊❗️幾十蚊就有個大大份有質素定食套餐，一d都唔Hea🥹🥹炭燒竹輪明太子烏冬（$60）🍥🍲通常黎堂食嘅都會加飲品upgrade做set，加$8就有前菜、漬物同味噌湯🍵炭燒竹輪兩大條有炭火香，用咗大量明太子做個忌廉醬汁，面頭用蟹籽鋪面，撈埋一齊食口感勁豐富💋💋想講佢嘅味噌湯係好足料，有蜆肉架唔係就咁沖水果d🫶🏻🫶🏻吉列鹿兒島三元黑豚（$58）🐷🥩吉列豚肉切開咗五六件，鋪上滿滿的木魚碎同椰菜絲，再加埋燒汁沙律醬，好似食緊吉列版嘅大阪燒咁🤤🤤撈飯食好正😗呢個set配左佢哋嘅玄米茶，飲落好香，而且玄米一粒粒好有口感，之後聽老闆講原來係佢哋自己炒架♥️♥️除咗定食之外，餐廳仲有好多唔同嘅小食🍤🍨🍱同埋一人邊爐都有㗎🥘好啱約埋幾個朋友一齊嚟🥳🥳希望大家珍惜有心既小店，人都比較多，請預早book位喔💥💥

呢日去完荃灣體育館攀石想搵下野食😝，俾我搵到呢間隱世日式小店。餐廳地方唔大，但坐落去都好舒服。一坐底老闆就俾左杯熱辣辣既玄米茶，係真係有粒粒玄米，幾有特色。*鹽燒鯖魚 $52*成個擺盤用左靚靚日式餐具😚，價錢仲貼地實惠，加飲品就可以升級有埋前菜、漬物同味噌湯。先講鯖魚，好大條而且燒得好香，骨肉分離啖啖肉🥰，再加埋淋上紫菜飯素既日本米飯🍚，好好送飯。而味噌湯唔咸，仲有蜆肉係入邊。*芝士漢堡扒 $58*可以見到係自家製既漢堡扒黎😝，厚得嚟又足料，入邊有洋蔥🧅粒，配埋熱熔左既芝士，同樣送飯一流。

#荃灣 @half_moon108之前去附近探朋友, 發現原先的娘惹菜不知是已結業還是搬遷, 原址開了家日式小店, 我們一行2人決定試試! 來2款小食, 1份定食! 日本小番薯 $28 ~ 一口番薯, 細細粒牛油味重, 連皮進食, 味道香甜軟糯, 入口即溶, 口感味道如食蕃薯雪糕，營養豐富! 🍗香蔥沙律脆雞 $58 ~ 以鮮紅胡椒點綴, 賣相色彩繽紛, 入口微微辛辣! 雞件大件, 入口香脆, 外層包裹厚厚的沙律醬, 底下舖有生菜絲, 份量十足! 🐄極上燒牛肉 $52 ~ 重口味之選！加飲品升級有前菜、漬物、味噌湯、玄米茶! 味噌湯不會過咸, 飯素為白米飯增添層次! 燒牛肉沒有過多脂肪, 加入適量燒汁及預先炒至微焦, 味道豐富! ! 

荃灣隱世日式小店，位於海濱花園，呢度除左日式定食，仲有唔同嘅小食甜品，都有好多款選擇吉列三元黑豚拼吉列廣島蠔定食 🍱$88今晚叫左個黑豚加廣島蠔定食，加$8 可樂🥤仲可以升級有前菜、漬物、味噌湯，日式定食好精緻，日本米飯上面有飯素，好香口又好配合日本珍珠米飯。味噌湯細細杯，原來都有蜆仔魚蛋🥣 吉列廣島蠔外脆內軟，吉列黑豚肉好鬆化，吉列唔會好油膩 ，食落好滋味甘粟紫薯2件 $20紫薯甘香，香脆炸粉包住紫薯

我哋叫咗一個牛肉火鍋，一個火鍋湯底好好味好清甜，而且有蟹柳，獅子狗，有菜有芝士腸，仲有烏冬，同埋好多昆布。價錢10分合理環境坐得很舒服，員工態度也很友善，很喜歡這在這裏晚餐，10分便宜，而且性價比很高

又搵到間隱世日式料理🐒店舖充滿日本漫畫裝飾同埋figures性價比高 唔會hea 🫶🏻好抵食.🔸吉列鹿兒島三元黑豚 $58想講個吉列真係炸到好出色酥脆得黎唔會油膩✨黑豚肉質滑嫩 仲配有大量椰菜絲 燒汁醬 同埋木魚絲口感相當豐富~.🔸鹽燒鯖魚 $52大大條鯖魚的魚皮燒到十分香脆只有幾條大魚骨 所以都算係啖啖肉而且魚肉好嫩滑.👀每份主食都包左一碗滿到瀉的飯素🍚.👀跟餐+$8 既雞軟骨餃子有2隻 🫶🏻炸到好脆 中間唔會乾.👀另外好抵既一樣野係 +$8 升級套餐就已經有前菜~帶子群邊加個少少芥末味的汁 勁開胃漬物~醃咗的蘿蔔味道酸酸甜甜味噌湯~個湯仲有原隻蜆係裡面 飲品~ 可揀汽水 / 仲有得揀店家手炒玄米茶 炒完出黎既香氣十足.📍月半堂📌荃灣怡樂街1-5號海濱花園海裕閣22座地下108號舖

來到海濱花園，不為馳名的海濱蛋撻，反而是這家極受附近街訪熱捧的小店餐廳。達陣前的路途可以說是幾許艱辛😂，經歷出錯站、行錯路與截不到的士唔等連環不幸事件，排除萬難來到時已將近晚上九時，意外地在，餐廳門前仍有不少食客排隊等候。（圖文不乎，下圖是離開時拍的😂）大略等了15分鐘吧？甫入座，裝潢佈置很吸引眼球，牆上貼滿日和風嘅招紙同海報，右邊角落處是醒目的壁畫，另外，小角落、水吧、玄關等都放滿很多小裝飾，在食物來到前不妨細心欣賞👏🏻👏🏻。翻開餐牌，胃亦在翻騰，Menu上的食物照真的太吸引，令人有種我全部都想要的衝動。（尤其是炸物類！！）一讚餐廳自家炒玄米製作的熱玄米茶，玄米快炒後撞進熱水風味與別不同。主食極上燒牛肉定食，熱騰騰上枱令人食指大動，牛肉肥瘦均勻而且肉質實淨，用燒汁炒得乾爽唔不會令人感覺太油膩👍🏻。小食嘛 — 迷你大阪燒與迷你章魚🐙燒，細細份，淺淺嚐。

啱啱去完日本返嚟，特別掛住日本嘢！☁️ 見到網上有人推介一啲隱世嘅日本料理小店，所以特登遠道而來試吓！落咗巴士之後，原來巴士站對面就係餐廳，步行一兩分鐘就已經到，都算方便嘅！一嚟到，見到門口都幾有日本居酒屋嘅感覺！推開門，原來入面裝修都幾骨致㗎！我哋揀咗窗邊一張梳化嘅角落位置，貪呢個位置私隱度高啲，同埋對住出邊嘅花草景都幾靚㗎 ！💐🌷🪸🌾🪴我哋嗌咗兩個定食套餐：鯖魚 + 燒牛肉。上枱嘅時候發現原來定食套餐嘅擺盤真係幾靚仔，用嘅碗碟、餐具同埋器皿都好精緻，我好鍾意呀！燒牛肉套餐好抵食，$52嘅牛肉好大碟，下面有啲沙律菜。😇我哋升級咗要熱烏冬，烏冬份量唔算好多，口感少少林，下次我應該會揀返飯。🤫鯖魚烤得好好味，白飯🍚上面嗰啲飯素超級香脆，食到舔舔脷！😋小菜就有海蜇🐙同埋醬漬青瓜🥒，味噌湯入邊有塊魚蛋🍥同埋有一隻蜆。成個感覺都好似返咗去日本咁呀！巧開心！

星期一晚來點好西，相約舊同事吃晚飯，來到了荃灣海濱花園的「月半堂」。甫走進餐廳，已得到老闆非常友善熱情的招待。套餐頗為抵食，百元左右有前菜、漬物、味噌湯、原條蒲燒鰻魚和白飯，好豐富。鰻魚大條，肥美厚肉，配上蒲燒醬後非常香口，用來佐飯一流。而白飯也添加了飯素，食得更開胃。薯餅外層炸到脆卜卜，與棉密內餡互相映襯。甘栗蓉與紫薯蓉充滿甜香味，中間還夾雜著栗子、紫薯粒粒，好有口感。竹輪卷利用炭燒烤香，口感甚為彈牙。竹輪卷上分別擠了蛋黃醬、蟹籽，不過就未太感受到明太子的味道。從店主的介紹中得知這一杯玄米熱茶是自家炒香玄茶後沖泡出來的，屬於心機之作。入口滿滿的玄米香味，清香去膩。分別試了開心果味和檸檬味。開心果味雪糕質感好柔滑，但開心果的香氣不太突出。至於檸檬味雪糕就似雪葩質感，入口酸酸的，好清新的感覺。

自從無再去食吉邊之後都好耐無食一人火鍋了🤣今次食既呢間餐廳最近就推出左一人火鍋，當然要試下啦😍由荃灣西沿住海皮行十分鐘左右就會到月半堂，雖然唔係近市中心，但餐廳人流都好旺🤪佢地有唔同既日式定食、小食同甜品，價錢都幾抵，最後我就Order左個一人火鍋、辣味魷魚同沖繩芝麻手羽😎個火鍋好足料，有肉、金菇、芝士竹輪、芝士腸、菜、昆布同烏冬🙌🏻D肉咬落唔會Un，肉味濃，仲要片片都好大片🤪個烏冬都唔係用D cheap烏冬，就算滾耐左都仲係好彈牙，煮到入曬味好正🥳最最最正當然係芝士竹輪!一咬落去D芝士流曬出黎，好滿足😍小食方面個沖繩芝麻手羽都有驚喜，個皮好脆，入面就嫩得黎好juicy，辣味魷魚味道甜甜辣辣，口感爽口彈牙，好開胃🥰最後要特別講一講佢杯茶，佢杯玄米茶唔係普通用茶包沖，而係真係用玄米去整，飲既時候仲可以食到一粒粒玄米，幾得意😬Overall我地覺得呢間餐廳性價比都好高，老細又nice，下次去荃灣既話可以再去😛