火赤

Open Now

Now Closed

完全唔知尖沙咀有咁高質嘅串燒🤯🤯呢間隱世嘅樓上日式串燒專門店係用左日本農場直送嘅食材，所以材料非常新鮮！即叫即燒！佢哋主推燒鳥，而且有不同嘅雞內臟🐓而且仲有個好大嘅平台露天用餐區添~啱晒一大班人飲酒吹水😆😆燒鱈魚乾作為前菜好適合，香脆又鮮味，十分之開胃！佢哋特別準備咗六色鹽俾我哋點串燒，包括抹茶鹽🍵、柚子鹽🍊、咖喱粉🥘、一味粉、七味粉同山椒粉🌶️，加少少就可以令串燒更加惹味🤤今次第一次食雞下心同雞食道,意外地燒得好入味,雞食道好爽口幾特別！雞腿肉好滑，外邊仲包住一層雞皮，燒到外脆內軟滑😋雞肉軟骨棒配上日本蛋黃呢個配搭世一！除咗雞之外佢哋都有其他款式嘅串燒，水牛芝土煙肉卷入口即溶😍蘆筍燒得剛剛好！福岡安納芋超甜🤤好喜歡！仲有醬油燒飯團係用日本新潟縣產嘅米🍙外脆內軟！最後仲有抹茶厥餅作點綴💚💚 職員服務都好好！