Video
Read full review
2023-07-17
39 views
喺觀塘呢個舊區，隱藏咗超多高質餐廳，又平到西餐都有！今次嚟咗呢間隱世嘅法國料理，餐廳喺工業大廈上面，環境好大裝修得幾有格調，浪漫氣氛加上柔和嘅燈光襯托，好適合慶祝一啲特別節日！餐廳菜式幾正宗，由藍帶大廚親手主理，晚餐set dinner價錢由$328起，已經可以試到法國菜嘅體驗，淨係食個feel同環境都已經值回票價！------------------------------👨🏻🍳◖ᴅɪɴɴᴇʀ ᴍᴇɴᴜ◗ 呢個法國餐廳有Dinner Set提供，包左前菜、餐湯、主菜、甜品同埋咖啡/茶，食物用料都好高質，嘢食會慢慢一道一道上，品質一啲都唔馬虎！佢首先會比一盤餐包🥖，有兩隻味：黑麥同埋蕃茄（好似係），第一輪俾客人搽牛油食，第二輪就係點湯一齊食。麵包細細隻，烘得夠熱，外層有啲脆，包體煙靭帶有麥香🌾，頗有咬口，個人幾鍾意💕～— ᴀᴘᴘɪᴛɪᴢᴇʀ —🥗/鯷魚車厘茄沙律沙律落咗香草作簡單調味，加上鯷魚，識落酸酸地帶啲鮮味，都幾開胃🌮/蟹沙律酥皮撻酥皮好薄好脆，裏面裝住滿滿嘅蟹肉，加入咗啲魚子，更有口感— ꜱᴏᴜᴘ —🧅/法式洋蔥湯呢個洋蔥湯真係第一次試，超香好鮮甜，好有驚喜！入面真係有好多洋
餐廳菜式幾正宗，由藍帶大廚親手主理，晚餐set dinner價錢由$328起，已經可以試到法國菜嘅體驗，淨係食個feel同環境都已經值回票價！
------------------------------
👨🏻🍳◖ᴅɪɴɴᴇʀ ᴍᴇɴᴜ◗
呢個法國餐廳有Dinner Set提供，包左前菜、餐湯、主菜、甜品同埋咖啡/茶，食物用料都好高質，嘢食會慢慢一道一道上，品質一啲都唔馬虎！佢首先會比一盤餐包🥖，有兩隻味：黑麥同埋蕃茄（好似係），第一輪俾客人搽牛油食，第二輪就係點湯一齊食。麵包細細隻，烘得夠熱，外層有啲脆，包體煙靭帶有麥香🌾，頗有咬口，個人幾鍾意💕～
— ᴀᴘᴘɪᴛɪᴢᴇʀ —
🥗/鯷魚車厘茄沙律
沙律落咗香草作簡單調味，加上鯷魚，識落酸酸地帶啲鮮味，都幾開胃
🌮/蟹沙律酥皮撻
酥皮好薄好脆，裏面裝住滿滿嘅蟹肉，加入咗啲魚子，更有口感
— ꜱᴏᴜᴘ —
🧅/法式洋蔥湯
呢個洋蔥湯真係第一次試，超香好鮮甜，好有驚喜！入面真係有好多洋蔥，煮得軟爛出味，加入咗兩塊麵包，最後面頭仲有啲芝士拎去焗，出到嚟嘅味道超香濃又有層次！
🦞/龍蝦湯 +$18
龍蝦湯好鮮甜，仲有粒粒龍蝦肉，加入咗啲忌廉，口感好軟滑
— ᴍᴀɪɴ ᴄᴏᴜʀꜱᴇ —
🥩/熟成21日阿根廷西冷 $388
叫咗五成熟嘅西冷牛扒，外表剪得好香有少少脆口，裏面嘅肉質呈粉紅色，鮮嫩肉汁好豐富！牛扒經過熟成，肉質會比較鬆軟，仲有少少奶油同堅果嘅餘韻，配上法式賓利士汁，少少酸味，更突顯到牛扒嘅肉味！
🍖/烤羊架配焗薯 $368
香煎三文魚，厚肉大件，外層脆皮鎖住肉汁，入口啖啖魚嘅油脂。唔需要繁瑣嘅調味已經好鮮好夠味
— ᴅᴇꜱꜱᴇʀᴛ —
🍰/ᴅᴇꜱꜱᴇʀᴛ ᴏꜰ ᴛʜᴇ ᴅᴀʏ
今晚嘅甜品係意大利芝士凍餅，好多層次，蛋糕睇比較濕潤，食到好香嘅榛子味道，唔會太甜！另外仲有兩舊布朗尼蛋糕，好實淨，好好味濃郁，會偏甜少少🤏🏻
— ᴅʀɪɴᴋ —
🌈/Le Monde Rainbow $78
呢杯Cocktail 色彩繽紛好靚，用咗Gin做底，加入橙汁雜莓汁混合而成，飲落去酸味味咁
🍹/Flamingo $68
呢杯紅莓汁加橙汁，再加Ginger Ale，莓味會更加出～
🌟Encore指數：9.2/10
Post
