Video
Read full review
2022-11-27
995 views
今次介紹間抵食又飽肚既餐廳先~ 觀塘既工廈真係隱藏左好多高質既小店呀！餐廳由一班90後廚師打理，佢地立志要做出最好味既豉油雞，可見絕不馬虎！♢🍱秋意去骨豉油雞 $60平時食豉油雞既固有印象就係去燒味店斬料，或者係茶記既碟頭飯，不過秋意就中日融合，以日式便當既方法呈現廣東菜式，好精緻！招牌豉油雞果然名不虛傳，一上菜就已經香噴噴！成份豉油雞唔會太多醬汁，但係每塊雞皮都浸到夠入味，食落帶D焦糖香味，而且D雞皮又唔會太多肥膏，肉質又夠細嫩，仲好貼心去哂骨添！原來秋意個秘訣就係用上最靚既三黃雞，難怪咁好食！便當入面仲有半隻酒釀溏心蛋﹑胡麻醬沙律菜同小菜，做到一餐都營養均衡，抵讚！♢ 🐓瑤柱去骨貴妃雞 $62同豉油雞唔一樣，貴妃雞比較著重於雞既鮮味。雞皮既黃油岩岩好，食落滑口，咬落去感受到肉質細膩，配上瑤柱食用再帶一點鹹香，同豉油雞好唔同，但都同樣出色！秋意知道好多女士都減肥唔想食咁多飯~ 所以白飯加$5可以轉「乾撈低醣蒟蒻麵」，可以減低攝取澱粉質。呢個麵都有驚喜咼！平時食蒟蒻麵最怕有猩味同橡膠口感，但佢完全唔會！感覺就好似食緊港式炒麵咁，帶有芝麻香，好好食！♢ 🥣花膠竹絲雞燉蟲草花湯 $48呢碗
♢🍱秋意去骨豉油雞 $60
平時食豉油雞既固有印象就係去燒味店斬料，或者係茶記既碟頭飯，不過秋意就中日融合，以日式便當既方法呈現廣東菜式，好精緻！招牌豉油雞果然名不虛傳，一上菜就已經香噴噴！成份豉油雞唔會太多醬汁，但係每塊雞皮都浸到夠入味，食落帶D焦糖香味，而且D雞皮又唔會太多肥膏，肉質又夠細嫩，仲好貼心去哂骨添！原來秋意個秘訣就係用上最靚既三黃雞，難怪咁好食！便當入面仲有半隻酒釀溏心蛋﹑胡麻醬沙律菜同小菜，做到一餐都營養均衡，抵讚！
♢ 🐓瑤柱去骨貴妃雞 $62
同豉油雞唔一樣，貴妃雞比較著重於雞既鮮味。雞皮既黃油岩岩好，食落滑口，咬落去感受到肉質細膩，配上瑤柱食用再帶一點鹹香，同豉油雞好唔同，但都同樣出色！秋意知道好多女士都減肥唔想食咁多飯~ 所以白飯加$5可以轉「乾撈低醣蒟蒻麵」，可以減低攝取澱粉質。呢個麵都有驚喜咼！平時食蒟蒻麵最怕有猩味同橡膠口感，但佢完全唔會！感覺就好似食緊港式炒麵咁，帶有芝麻香，好好食！
♢ 🥣花膠竹絲雞燉蟲草花湯 $48
呢碗湯超級足料又好飲，睇得出秋意好有誠意！呢碗湯味道鮮甜，用左花膠﹑烏雞﹑豬肉黎煲，加上蟲草花帶有些少中藥味。花膠湯滋補養顏，又有豐富骨膠原，叫便當加$48就飲到喇~ 好抵！
秋意既豉油雞好值得一試！唔只主菜好食，連配菜都一樣新鮮好味！除左豉油雞貴妃雞，佢地仲有口水雞、紅燒肉﹑酸菜魚等等。今次其實仲想試醉鮑魚架，可惜夜晚黎已經賣哂，唯有下次再黎試啦！
@dineoutla.hk
密密更新☀️ 歡迎追蹤👋🏻
Post
