譽滿點心專門店 (Moved) New Location

農曆新年跟朋友去拜年,順便飲茶吹下水,點知去到九龍城廣場間酒樓全部排長龍,等咗好耐都冇位..... 結果朋友帶咗我去食地道點心。 喺門口等咗大約十分鐘就有位，坐位比較迫夾，但人流較快， 所以我哋好快坐定定就叫點心食。 全部點心都係即叫即蒸，我哋三個人點咗六款點心， 分別係黑松露水晶餃、薑蔥牛柏葉、蟹子蒸燒賣、鳳爪排骨飯、山竹牛肉球及燒汁魚蓉茄子。 我特別推介鳳爪排骨飯及黑松露水晶餃， 排骨飯係用煲仔上，飯香軟熟。 另外黑松露水晶餃睇得出師傅手工，而且入口 淡淡黑松露香味， 其他點心都合格，比酒樓更加好食， 重點係茶位只需4蚊一位， 我哋醫飽咗個肚就再行去附近嘆咖啡。