八蠔吧 (Closed)

埋沒於海味街入面，一間好grand好靚既蠔吧。除左蠔之外，佢地仲有提供其他西式餐點，pasta，risotto，扒類等等。入門口既一幅畫作，係希望大家入到黎呢個環境，可以放鬆心情，唔好比其他事物影響到品嘗美食既時間同空間😌一開波我地先試左當日有提供既6種蠔先！6種蠔由淡至濃排列好，我食左其中3隻，最鐘意一隻叫Carina既蠔😋creamy肥美❤️朋友最鐘意Gillardeau，屬於普遍香港人鐘意食既一款蠔～經理推介左一款白酒比我地配蠔，呢隻酒甜甜地，一邊食蠔一邊飲，會taste到更濃郁既海水味👍甜辣糖衣無骨雞翼外層有些微糖漿感，但調味唔濃，少少甜，少少咸香。雞翼既肉煮得嫩滑，零雞腥味。香煎銀鱈魚配酸忌廉汁銀鱈魚只煎到略焦，入面既魚肉嫩滑，keep到肉汁。個醬汁奶油味濃，簡單得黎好好食❤️夏季蔬菜燴意大利飯好清新健康既一款risotto！擺盤好靚，好似一個盤景咁👍飯粒既口感恰到好處，而且唔會太濕。Tiramisu 忌廉比較輕身，唔會太甜同太膩，不過我個人比較偏愛重身同奶味強既cream多d🙈但朋友就話幾鐘意～底部既餅乾都有用心，浸過酒但唔會淋哂，入面仲有脆身既口感。