Anytime Catering

Open Now

Now Closed

印象中天后廟道係條無乜舖頭既斜路，喺openrice見到有一間餐廳坐落係度感到好驚奇，就決定去試一試。來回行咗兩次先搵到間餐廳，原來餐廳日頭係做廚藝班之類，晚上先以類似私房菜形式運作，所以擺設與一般餐廳非常不同，每晚只招呼小量客人，並一起坐在一張大長檯，十分有趣新穎。廚師只有一個而菜單就由佢發辦，我地揀咗個$650 set後只需坐定定係度等食!前菜以初紅茄配上玫瑰梅汁以成，廚師以不同熟度既蕃茄排列，味道亦由清新微酸去到多汁鮮甜，配上芝士食非常夾湯一個以青瓜、提子、青蘋果、牛油果製成既凍湯，新奇之餘亦非常開胃，味道清香而各種食材比例剛剛好，不太酸不太甜亦不會有青草味，而且亦好健康!主菜1香煎帶子伴厚身杏鮑菇帶子微煎兩面令其外香內滑，火候剛剛好，加上黑松露令其味道更豐富突出，伴碟既杏鮑菇亦非常有質感主菜2西班牙黑毛豬鞍扒廚師一落pan已經聞到好香既扒味，切好上碟後見到色澤鮮嫩，果然一咬落去非常腍同多汁，黑毛豬的豬味亦較香濃，配埋薯菜令呢道菜更完整美滿甜品合桃大黃雪糕，大黃原來是一種頗酸的蔬菜，就咁食可能會太酸，但搭上蜜糖焗過既合桃同一球雪球後就酸酸甜甜好好食，絕對唔會太漏!