Video
Read full review
2024-05-08
51 views
難得有日早收工帶仔女去深水埗買玩具兼食飯，路過一間新開嘅西餐廳，於是停低望左幾眼，老闆就用好親切嘅笑容同好客嘅態度去介紹餐廳有咩食？於是我哋抱住戰戰兢兢嘅心情去聽老闆介紹。誰不知呢間餐廳係食新派西餐嘅。見小朋友話肚餓，於是抱住打大佬嘅心態去試吓？唔試由自可，一試便知龍與鳳首先老闆送咗個前菜俾我哋食前菜個名就係Wasabi黑醋支豆！第一啖食落去，味道唔知點樣形容，真係好食嘅。黑醋同Wasabi個配合同比例啱啱好！之後我哋叫咗幾個餸食，蝦膠三寶，芝麻芝士蝦多士，意大利火腿窩夫，芝士焗蟹蓋，西班牙辣肉腸鮮蝦炒通粉，黑松露野菌珍珠飯，香草慢烤原條一字牛仔骨。等我簡單介紹吓呢啲菜式，黑膠三寶係用新鮮嘅蝦來做嘅，非常有鮮味，而且蝦亦都非常之爽脆，芝麻芝士蝦多士，小朋友係最鍾意食嘅一樣主菜，佢裏面啲芝士真係可以拉到絲出嚟嘅。所以比小朋友征服左🤣。另外一樣小朋友最鍾意食嘅就係西班牙辣肉腸鮮蝦炒通粉….兩個小朋友都食唔停口，爭啲要幾多碟，😍另外意大利火腿窩夫係新鮮即製嘅，上枱嘅時候窩夫仲好熱，最喜出望外嘅就係芝士焗蟹蓋，蟹蓋內嘅蟹肉同芝士嘅味道配合得天衣無縫。最後係encore咗一次。🤣（因為爸爸想再食
見小朋友話肚餓，於是抱住打大佬嘅心態去試吓？
唔試由自可，一試便知龍與鳳
首先老闆送咗個前菜俾我哋食
前菜個名就係Wasabi黑醋支豆！
第一啖食落去，味道唔知點樣形容，真係好食嘅。黑醋同Wasabi個配合同比例啱啱好！
之後我哋叫咗幾個餸食，
蝦膠三寶，芝麻芝士蝦多士，意大利火腿窩夫，芝士焗蟹蓋，西班牙辣肉腸鮮蝦炒通粉，黑松露野菌珍珠飯，香草慢烤原條一字牛仔骨。
等我簡單介紹吓呢啲菜式，黑膠三寶係用新鮮嘅蝦來做嘅，非常有鮮味，而且蝦亦都非常之爽脆，
芝麻芝士蝦多士，小朋友係最鍾意食嘅一樣主菜，佢裏面啲芝士真係可以拉到絲出嚟嘅。所以比小朋友征服左🤣。
另外一樣小朋友最鍾意食嘅就係西班牙辣肉腸鮮蝦炒通粉….兩個小朋友都食唔停口，爭啲要幾多碟，😍另外意大利火腿窩夫係新鮮即製嘅，上枱嘅時候窩夫仲好熱，
最喜出望外嘅就係芝士焗蟹蓋，蟹蓋內嘅蟹肉同芝士嘅味道配合得天衣無縫。最後係encore咗一次。🤣（因為爸爸想再食）
黑松露野菌珍珠飯，上面嗰堆黑松露醬多到一個點🤫同我之前喺出面食嘅黑松露飯，完全唔同感覺。
最後就係嗰個牛仔骨。店家用上新鮮嘅牛仔骨來做食材。完全食得出係新鮮貨。牛仔骨放入口有非常濃烈嘅牛肉味。，同非常之淋嘅肉。完全感受到佢哋係用心製作嘅一間良心食店。
最後老闆見哥哥同妹妹食得咁開心，同埋咁可愛，送咗兩個甜品俾我哋食😱
分別就係香蕉pancake，同埋Tiramisu！
香蕉pancake入邊真係有香蕉㗎🤣而且佢係開放式廚房，小朋友企高望住佢整嘅。叫佢加入大量嘅香蕉去溝果漿，小朋友二話不說就同我傾咗隻碟🤦🏽♀️
另外嗰tiramisu 完全改寫左我對tiramisu 嘅口感。佢創新嘅整法令到我呢啲老人家有啲接受唔到新事物。。……不過………堅好食……係非常之好……..
如果大家行過路過深水埗可以試吓呢間餐廳。
收費便宜，最緊要嘅就係廚師周不時出嚟會問你啲嘢煮得好唔好食？完全係關心客人食得開唔開心，同埋感覺到佢用心去做嘅。期待下一次再去食過。
Post
