榮哥煮場 (Closed)

Item: Wing Gor Chef
Rating: 5
Author: Dr Bryan Wong

Wing Gor Chef

4.5

247 Reviews

Taste

Decor

Service

Hygiene

Value

5501

Mong Kok

$51-100

Guangdong Stir-Fry

219

Dr Bryan Wong

Level2

先後嚟過兩次食飯，兩次食午餐，傻嘅咩？間舖頭只係開咗兩三個月，我已經嚟咗四次！第一次係一個在中環投資銀行做的朋友話俾我知，某某高級酒家嘅廚師逆市中自己開咗檔，初初仲以為係乜嘢高級私房菜，點知竟然係去咗山東街嘅一檔食米線嘅舖頭？
提問的經歷，朋友已經預先點好晒，一坐低就去食，正當我喺度疑惑緊個餐牌，點解咁平嘅，又話食黃酒煮雞煲，又話好好食嘅酸菜魚，仲話冇味精，燉雞湯？
朋友的確點左好幾個煲，仲有幾個小菜，因為2×4 ，都有八個人大家試咗唔同嘅嘢，可以用四個字，「印象難忘」來形容。
首先花膠雞煲，濃湯，如果唔係舖頭大大隻字寫明唔用味精，我真係奇怪，點解可以百幾蚊一個煲？味道好似人哋起碼收三四百蚊嘅燉湯嘅感覺！當然啲花膠都係筒仔，但啲雞肉唔老，廚師特登已經將啲湯加到好熱，另外再有明爐keep住滾！
我知道如果我樣樣都話好好味，實在太誇張。但係事實係我近年難得食到有廚師咁用心的餐廳，第二就係每樣食物你會感受到鮮味，佢有雞味，魚片都有！廚師一早選用嘅材料及心機已經決定了出品！
以上在過程見到係有要求的，特別係每個煲上嚟嘅時候已經係好熱，唔係要你枱上慢慢再等用個氣爐仔去加熱，爐仔只係keep住可以能夠有熱騰騰的感覺！
其中我覺得巴東牛肉係超水準，因為好多時食印尼巴東牛肉都會有偏硬偏乾嘅情況，或者係選部份為嘅問題，今次嘅巴東牛肉係嫩滑而有咬口，相信係經過慢煮同埋靚嘅部位，先食到咁效果，好有牛肉味嘅巴東牛肉！
值得一睇嘅係水煮魚，通常喺坊間食嘅水煮魚話自己正宗，但係好多時候啲鹹菜太濃，搶走晒啲魚嘅味，今次師父用咗爽口嘅酸菜，但係唔會泰龍，而且魚片嘅份量有足夠厚度都唔錯，你會食得到係魚身唔係削，因為魚皮都有一定嘅厚度，而最重點就係已經挑左骨刺才切片，唔會好似一般嘅魚片粥嘅做法，夾硬用到切斷啲有骨，雖然唔會哽親但係仍然會好多短骨，往往食到始終唔係好舒服！呢度嘅魚片就冇呢個問題！唔係買是貴價嘅布先咁做，我試過午餐食平價酸菜魚片米線，一樣係咁好功夫！
主打嘅花膠濃湯雞煲，一上菜已經個個人搶着，我一陣間就冇晒，連湯都飲埋，冇錯真係連湯都飲埋，非常之濃郁，雞件仍然係保持滑溜！
反而我最鍾意⋯⋯黃酒煮雞堡，真係食返有少少，當年屋企人有BB出世時候煮比產後大肚婆補身的黃酒雞好味！
佢特色嘅煤炭飯，黑蚊蚊，仲要特登做到好似大陸以前取暖的煤炭，幾有特色，初初以為都係玩嘢姐，點不知食落佢每粒飯都有強而有力黏性同埋彈性，口感唔錯，最重要嘅係仲加入左有少少提子乾嘅物體，食落去，甜甜地幾特別，再加上應該係加咗墨魚汁才有呢種咁樣嘅香味道！
泡飯食得多，但係佢將一大個飯球炸到好似太空館咁你放咗喺個湖中間，好特別，大家都狂影相但係最重要係將佢浸左喺湯飯裏面就能夠有一種好似食飯焦嘅脆口感，再加上佢嘅清甜帶子及瓜菜嘅味道配合得好好，又同剛才嘅濃味雞煲比，帶出另一種清新口感！
個人知道佢哋嘅甜品，特別係楊枝甘露都唔錯，但係我真係唔鍾意食甜野，只係試咗少少，係幾有特色嘅！反而我好欣賞到一個跟餐送的嘅甜品，就係類似雪耳，把雪耳煮到起膠而唔會太杰，好清唔甜！啱我怕甜之人。

因為當日真係試咗好多嘢食，都未試晒，反而我一心已經準備同最怕食味精嘅老媽要去試吓。其他只能夠第二日再去試其他！一餐飯令我想起一電影叫「武俠」甄子丹武功高強，但係甘心喺鄉村裏邊默默耕耘，過著開心的日子。