Video
Read full review
2023-12-06
206 views
星期日晚去咗呢間位於佐敦嘅串燒小店食嘢，覺得味道超有驚喜呀！全部嘢都好食，有啲仲好出色，大推大家去試吓！🔸日本免治雞肉棒四色套餐 $98大推！真係好好食！單叫一件係$28，試晒4隻味只係$98，都幾抵食！雞肉棒軟滑多汁，唔會乾淨淨，入面有粒粒雞軟骨，口感好正！第一啖食嘅時候真係好驚喜！❣️火炙明太子醬第一件係食呢隻味，明太子醬濃郁，火炙過更香，鹹香味幾出！❣️蘿蔔蓉酸桔醋汁呢件幾開胃！蘿蔔蓉加醋汁酸酸味味，配埋雞肉棒食滑新解膩！❣️辣汁芝士本身以為只係普通芝士味，食落去辣辣哋，原本係辣汁芝士，味道好正好特別！❣️汁燒原味香甜，都好好食！🔸火炙A5黑毛和牛西冷薄燒 $98原價$158，會配日本雞蛋同白飯一齊食！見到呢款特價就想試吓～ 店員會即場喺面前燒，仲會問想熟啲定生啲👍🏻 黑毛和牛都幾大塊，燒完充滿油脂香🤤 撈埋蛋汁，再加白飯一齊食，好正！牛肉好軟腍滑，好香好味😋🔸燒鳥盛合5本 $108有雞中翼、日本雞胸軟骨、日本雞腎、日本雞皮同大蔥雞肉串～ 可以每樣試吓！ 串燒嘅質素真係幾好，特別係雞皮！燒到表面香脆，中間仲係有啲咬口，唔會燒到乾柴，又唔會唔夠脆，恰到好處👍🏻 其他串燒都好食，食到出係即燒
星期日晚去咗呢間位於佐敦嘅串燒小店食嘢，覺得味道超有驚喜呀！全部嘢都好食，有啲仲好出色，大推大家去試吓！
🔸日本免治雞肉棒四色套餐 $98大推！真係好好食！單叫一件係$28，試晒4隻味只係$98，都幾抵食！雞肉棒軟滑多汁，唔會乾淨淨，入面有粒粒雞軟骨，口感好正！第一啖食嘅時候真係好驚喜！
❣️火炙明太子醬
第一件係食呢隻味，明太子醬濃郁，火炙過更香，鹹香味幾出！
❣️蘿蔔蓉酸桔醋汁
呢件幾開胃！蘿蔔蓉加醋汁酸酸味味，配埋雞肉棒食滑新解膩！
❣️辣汁芝士
本身以為只係普通芝士味，食落去辣辣哋，原本係辣汁芝士，味道好正好特別！
❣️汁燒
原味香甜，都好好食！
🔸火炙A5黑毛和牛西冷薄燒 $98原價$158，會配日本雞蛋同白飯一齊食！見到呢款特價就想試吓～ 店員會即場喺面前燒，仲會問想熟啲定生啲👍🏻 黑毛和牛都幾大塊，燒完充滿油脂香🤤 撈埋蛋汁，再加白飯一齊食，好正！牛肉好軟腍滑，好香好味😋
燒雞皮
0 views
0 likes
0 comments
有雞中翼、日本雞胸軟骨、日本雞腎、日本雞皮同大蔥雞肉串～ 可以每樣試吓！ 串燒嘅質素真係幾好，特別係雞皮！燒到表面香脆，中間仲係有啲咬口，唔會燒到乾柴，又唔會唔夠脆，恰到好處👍🏻 其他串燒都好食，食到出係即燒同食到食材原味，又唔會太鹹！
🔸醬汁燒豆腐串 $20🔸荔枝豚肉串 $15
推介豆腐串！好好食😋 豆腐勁多汁，而且好滑溜！醬汁味香濃唔會過鹹，會想encore！
荔枝豚肉串特價，味道唔錯，但就無咩驚喜，同埋比較細串～
🔸明太子燒飯糰 $34我見到明太子就會叫🤣 第一次食明太子味嘅燒飯糰，都幾好食！入面係一大舊明太子，外面燒到幾香口又有啲嚼勁，醬油味幾香！
🔸芝麻醬蟹籽冷鳥冬 $48呢個鳥冬睇落去平平無奇，估唔到食落又幾好味！鳥冬好彈牙煙韌，加撈蟹籽、蟹柳、麻醬一齊食，口感豐富又好食！
🔸巨峰乳酸梳打🔸水蜜桃乳酸梳打
跟燒鳥盛盒加$15可以叫杯乳酸梳打，幾抵飲！正價就$38～味就唔錯，幾解渴！
呢間隱世串燒小店好值得去試吓呀！樣樣都好食😋 Openrice地址寫油麻地，但由佐敦或者柯士甸站去近啲，附近係嘉多娜，可以一齊幫襯😆
Post
