Amitie Kitchen (Moved) New Location

尖沙咀嘅樓上餐廳有唔少都係性價比高，環境亦都好舒適、有情調，呢間就係其中一間。今晚行完街就自己一個來呢度食個set dinner。南瓜湯配餐包南瓜湯味道香濃、甜度適中，好飲！比較特別係有兩款餐包，包括長麵包、法式麵包、同脆片，唔單止有牛油、仲配埋果醬！麵包質感都好鬆軟。燒紅菜頭、菲達芝士核桃沙律呢間餐廳係沙律前菜上都好有心思，唔係其他餐廳個啲普普通通嘅田園沙律，仲加左紅菜頭、核桃同芝士粒，芝士Creamy、軟滑。紅菜頭嘅酸同芝士嘅鹹，令到呢個沙律味道更豐富。北海道帶子蘑菇意大利飯拌黑松露黑松露嘅味道係呢個燴飯度非常突出，帶子好大粒，每粒都煎香過，味道鮮甜。飯嘅質感比較偏向係起粒個種質感，但我個人就比較喜歡軟腍少少嘅飯。伯爵茶奶凍用印花圖案嘅英式茶杯裝住，賣相好優雅精緻。奶凍味道係好濃嘅奶茶味，夾雜絲絲嘅甜，配埋乾玫瑰花更加清新，非常好食！榛子咖啡呢款咖啡杯幾特別，比一般咖啡大杯，榛子味十分香濃，口感順滑，味道很好！呢間餐廳嘅晚餐無論係前菜、主菜、甜品、咖啡各方面都幾有心思，味道亦都好好，而且份量非常足夠，價錢係尖沙咀來講亦不算貴，好值得一試！