Video
Read full review
2019-04-01
72 views
入嚟元朗同朋友行街、睇戲、食飯，山長水遠入到嚟，梗係要食好啲。 最後決定去食鐵板燒，就喺B仔涼粉附近。睇睇餐牌，店員推介「鐵板燒廚師發辦」，話會食到好多道菜品喎。 簡單一個價錢$1280一位，但無寫明詳情。 哈！ 過癮！ 鐵板燒都有廚師發辦，都係第一次試。先嚟開胃沙律，特別在佢上面加左蕎頭，真係好開胃。跟住係鐵板蒸蛋，第一次見，細細杯，蛋夠嫩滑，上面有黑松露同三文魚籽。北寄貝新鮮爽甜。青柳貝香甜爽脆。帶子用左柚子胡椒同竹碳鹽調味，幾特別。金雕係用鍋烹調，做法有啲奇怪，似半煎炸。 點知做出嚟魚鱗竟然好鬆脆，可以連埋魚肉一齊食，真係正！ 伴以海膽松露忌廉醬同紫蘇花。紫蘇花係紫蘇嘅花，紫色細細朵幾靚，但又有紫蘇葉味，未試過，今晚長見識了！粒貝上面加左炒香嘅烏魚子，帶有咸香味道。跟住龍蝦出場，一放上去隻龍蝦跳跳紮，果然新鮮。 倒出龍蝦膏煮成醬汁，再連埋龍蝦肉一齊炒，超掂呀！公魚可以原條食。清酒煮蜆啲蜆好鮮甜，個清酒湯吸收晒啲鮮味，全部俾我飲晒。鵝肝多士上面加左蘋果醬，最後食埋啲水果，雙種解油膩。高質佐賀和牛，牛味濃郁，油脂豐富。 係正，但食多兩舊會覺得好膩吓。魚湯係我全餐飯至愛，用左好多種魚
睇睇餐牌，店員推介「鐵板燒廚師發辦」，話會食到好多道菜品喎。 簡單一個價錢$1280一位，但無寫明詳情。 哈！ 過癮！ 鐵板燒都有廚師發辦，都係第一次試。
先嚟開胃沙律，特別在佢上面加左蕎頭，真係好開胃。
跟住係鐵板蒸蛋，第一次見，細細杯，蛋夠嫩滑，上面有黑松露同三文魚籽。
北寄貝新鮮爽甜。
青柳貝香甜爽脆。
帶子用左柚子胡椒同竹碳鹽調味，幾特別。
金雕係用鍋烹調，做法有啲奇怪，似半煎炸。 點知做出嚟魚鱗竟然好鬆脆，可以連埋魚肉一齊食，真係正！ 伴以海膽松露忌廉醬同紫蘇花。紫蘇花係紫蘇嘅花，紫色細細朵幾靚，但又有紫蘇葉味，未試過，今晚長見識了！
粒貝上面加左炒香嘅烏魚子，帶有咸香味道。
跟住龍蝦出場，一放上去隻龍蝦跳跳紮，果然新鮮。 倒出龍蝦膏煮成醬汁，再連埋龍蝦肉一齊炒，超掂呀！
公魚可以原條食。
清酒煮蜆啲蜆好鮮甜，個清酒湯吸收晒啲鮮味，全部俾我飲晒。
鵝肝多士上面加左蘋果醬，最後食埋啲水果，雙種解油膩。
高質佐賀和牛，牛味濃郁，油脂豐富。 係正，但食多兩舊會覺得好膩吓。
魚湯係我全餐飯至愛，用左好多種魚同加左頭先嘅龍蝦頭同殼去熬，超水準，可惜無得添，我可以飲到幾碗架！
炒飯同炒雜菜好飽肚。
甜品係哈蜜瓜同焦糖大福。
估唔到元朗有咁出色嘅鐵板燒，只係有點隱閉，好彩有地膽帶路啫。 全晚食左好多道菜品，飽到要捧住個肚走添！ By the way，呢間係我食過最好味嘅鐵板燒！
Post
