韓膳宮韓國料理 (Closed)

尖沙咀比較隱蔽嘅上樓韓燒，靜靜哋嘆返餐都唔錯當日食既時間都比較夜，係夜晚既8點半，所以上到去都唔係好多人，唔使等位。入面雖然店門唔係好大，座位唔多，但係隔離都比較寬，所以一d都唔會覺得逼坐低叫完嘢食首先上前菜6小碟：醃蘿蔔、炒芥蘭、黃芽白、泡菜、豆、魚乾仔，全部凍食但好開胃，冇偏酸過咸叫咗大嘅烤肉拼盤，有雞、牛肋骨、牛肋骨肉、牛脷、五花腩肉。全部都係事先醃過，雞肉同牛肋骨都好惹味，但略嫌過油，可以另叫冇醃嘅肉牛肋骨豬牛利，連平時唔係牛利既我都食到，真係幾惹味雞肉，好嫩牛肋骨肉，啖啖juicy口感而因為烤肉本身比較油，配埋生菜包住，加埋店家秘製既豆板醬就岩岩好一流醬料好多，一d都唔孤寒，成棵生菜俾埋你，唔使加錢包埋食加埋生蒜一流正呀泡菜煎餅係做得最好一樣，煎餅餅邊放咗幾耐都仲keep住脆口中間泡菜無論調味定大小同粉醬比例都適中，沾上醬汁更是配搭年糕既配搭比較新穎，同平時食既有d唔一樣，入面加左好多翠玉瓜，不過咁樣食係好似係健康d；而年糕本身既軟硬度係ok冇問題，如果中意食好軟既可能就覺得偏硬拌冷面實物同圖有d唔一樣，不過配料非常多，其實係好飽肚既一樣野。味道清清地，適合食烤肉覺得膩既時候