Video
Read full review
2021-02-04
2362 views
❀ Pondi #西環 ❀❗️隱蔽田園印法fusion 豐富香料口中爆發❗️——————————————————西營盤一向係高質異國菜式嘅集中地😙今次走進一條巷仔，嚟到呢間獨特印法fusion嘅餐館😆樓高兩層，仲有室外白色枱櫈，加上簷蓬，四周種滿花草，有種休閒置身於外國嘅感覺，啱晒chill下✨而家疫情期間主要提供brunch menu $280，單單睇Menu唔係太估到係咩，結果每道菜式都富有印度香料嘅味道，亦有法國菜精緻嘅擺盤，有驚喜💓！.可以預先WhatsApp或者致電預約，當日平日下晝4:00去到，餐廳就唔算太多人，但見過禮拜六日要等位。順帶一提，佢原來係 @ 旗下，同附近超級好食印象深刻嘅 Cubano sandwich Fat Chad一樣。.✷𝑀𝑒𝓃𝓊✷☞ Brunch Menu $280包一個頭盤一個主菜同一個配菜，甜品就可以加$50，分別係炸香蕉同埋朱古力蛋糕，見唔算好特別，我哋今次就無試到。.♥ Starter✦ Gougere Slider (4.3/5)第一次食Gougere，係一種法式choux pastry，口感極之特別🤩外皮硬硬地有啲似sourdough但一咬
❗️隱蔽田園印法fusion 豐富香料口中爆發❗️
——————————————————
西營盤一向係高質異國菜式嘅集中地😙今次走進一條巷仔，嚟到呢間獨特印法fusion嘅餐館😆樓高兩層，仲有室外白色枱櫈，加上簷蓬，四周種滿花草，有種休閒置身於外國嘅感覺，啱晒chill下✨而家疫情期間主要提供brunch menu $280，單單睇Menu唔係太估到係咩，結果每道菜式都富有印度香料嘅味道，亦有法國菜精緻嘅擺盤，有驚喜💓！
.
可以預先WhatsApp或者致電預約，當日平日下晝4:00去到，餐廳就唔算太多人，但見過禮拜六日要等位。順帶一提，佢原來係 @ 旗下，同附近超級好食印象深刻嘅 Cubano sandwich Fat Chad一樣。
.
✷𝑀𝑒𝓃𝓊✷
☞ Brunch Menu $280
包一個頭盤一個主菜同一個配菜，甜品就可以加$50，分別係炸香蕉同埋朱古力蛋糕，見唔算好特別，我哋今次就無試到。
.
♥ Starter
✦ Gougere Slider (4.3/5)
第一次食Gougere，係一種法式choux pastry，口感極之特別🤩外皮硬硬地有啲似sourdough但一咬落去好香脆，內裏有少少custard like，配埋佢酸酸甜甜有啲蕃茄味嘅牛肉他他，成件事新鮮得嚟好好味😋！
面頭仲有隻好得意嘅鵪鶉煎蛋🍳。
另外，好鍾意側面炸到好似薯片咁脆嘅brussels，果然係我最愛嘅蔬菜🥬！
Gougere Slider
74 views
0 likes
0 comments
.
✦ Palak paneer (4.1/5)
將印度菜變成法國菜咁精美！
Palak paneer本身係一pat菠菜乳酪蓉，廚師將菠菜切碎，加埋豆腐、芝士等等搓成球體，配上烤香嘅南瓜，味道雖然相對冇咁突出，但整體創意加分✨！
Palak paneer
72 views
0 likes
0 comments
Palak paneer
97 views
0 likes
0 comments
.
♥ Main
✦ Stuffed Calamari (4/5)
又係一道特別嘅菜式😲將肉碎釀入魷魚當中，個汁加咗少少雪梨酒。自己覺得呢個味道相對冇咁重，有少少中菜煲煮食物嘅感覺，亦略嫌有啲油。
另外仲有有大量大隻彈牙嘅蜆肉、瓜、同埋濺到勁香嘅煙肉條。
如果要再精益求精啲嘅話，會略嫌成道菜式有太多唔同嘅嘢，有種唔知食邊樣先嘅感覺，而且一切開個魷魚啲肉碎就會分離晒，有少少clumsy😶。
Stuffed Calamari
136 views
0 likes
0 comments
Stuffed Calamari
64 views
0 likes
0 comments
.
✦ Roasted Lamb Rump (4.1/5)
一個簡簡單單嘅烤羊肉，rump係一個相對較平嘅部位，不過口感夠晒👍🏻有少少羊羶味，但未算好重。
再配上一個芝士焗薯，未有太大驚喜不過都好味。
Roasted Lamb Rump
126 views
0 likes
0 comments
.
♥ Sides
另外每人仲可以揀一個伴菜，係會分開上。分別有flatbread, local greens, steamed basmati 印度飯。
.
✦ Flatbread (4.1/5)
外微脆內軟熟，不過加咗牛油去烘，所以比較油身，都係個幾好味嘅flatbread ☺️(不過acme嘅flatbread依然係第一位)
.
✦ Local Greens (4.1/5)
唔係生菜，而係用上香港嘅小白菜同埋小西蘭花，仲要加咗少少香料去煮，幾特別。
——————————————————
✨整體味道: 4.1/5
✨環境裝修: 4.3/5
✨服務態度: 4/5
✨性價比: 3.8/5
✨再訪興趣: 3.8/5
.
💞整體來講
覺得頭盤比起主菜更出色🤣幾欣賞佢哋嘅創意，印度菜同法國菜兩樣咁唔同嘅菜系居然可以融合一齊，所有菜式都冇喺其他地方見過😲雖然未到樣樣都wow wow聲，不過其獨特性值得一試。而且環境都好chill，幾適合同朋友嘆下(⁎⁍̴̛ᴗ⁍̴̛⁎)！
L
Post
