Warren (Closed)

🐷🐷🐷大坑既美食聽就聽得唔少，食都食過幾間，但真係未試過喺大坑食fine dine🤔 前幾日媽咪又放假諗住帶佢食啲高級餐廳，book左依間成日都爆場既餐廳。▪️羽衣甘藍牛油果黎麥沙律呢個沙律配士多啤梨青檸汁，本來牛油果嘅口感比較結實，creamy，配上一個咁fresh既汁食落去嘅口感中和啲。一向都鍾情於黎麥既口感，有啲咬口之餘又健康值爆錶！沙律嘅份量剛剛好，整體而言都幾特別。〰️〰️〰️〰️〰️〰️〰️4/5🐷〰️〰️〰️〰️〰️〰️〰️▪️ 香煎鵝肝呢個鵝肝係我媽媽大讚既dish! 佢曾經食過啲非常腥既鵝肝之後就對依樣食物產生恐懼lol 但呢度嘅鵝肝一丁點腥味都無，香嫩creamy，真係再肥都要食😋〰️〰️〰️〰️〰️〰️〰️5/5🐷〰️〰️〰️〰️〰️〰️〰️▪️紐西蘭燒羊架又一款滿分既菜式！我平時就最討厭食羊㗎啦，真係頂唔順羊陣味😗 不過呢間嘅燒羊架我竟然可以食得到！羊膻味不算濃，但肉香比較重。玉米餅加迷迭香燒汁同羊架既味道配合得幾好。〰️〰️〰️〰️〰️〰️〰️5/5🐷〰️〰️〰️〰️〰️〰️〰️▪️香煎石斑魚蕃茄汁燴菜配燒薯仔西椒汁。呢道菜是用料昂貴，但表現卻不比其他dish出色，石斑魚需肉質香滑，但有少許腥味。不過勝在外皮煎得非常香脆，所以還是不錯😉〰️〰️〰️〰️〰️〰️〰️