Video
Read full review
2021-11-16
116 views
不少隠世嘅高質餐廳都遠離鬧巿，千府就係其中一間，不但食物質素好，餐廳仲有不少日本富士山嘅佈置，甚有特色。.🏮餐前小食($30）青瓜、白蘿蔔及紅蘿蔔條配上自家製嘅西班牙鯷魚醬，魚油味非常濃郁，鹹香味十足。 🏮香煎牛油果蟹肉餅沙律（$118）有蟹籽、牛油果及清新嘅蔬果，配埋芝味及蟹味十足嘅蟹肉餅，健康得嚟又有點邪惡。🏮九件壽司（$298）壽司選用時令新鮮嘅魚生，配以日本種珍珠米，好有日本嘅感覺；赤蝦、帶子及海膽都好鮮味甘甜，魚類大部份都好肥美， 正！🏮千府一品厚切牛舌芯（$138）牛舌芯既嫩且爽口彈牙，厚得嚟一啲都唔韌，而且牛味好出，勁好食。🏮手作免治雞肉軟骨餅（$38）雞肉軟骨餅入口鬆化又juicy，食落有少少軟骨增加咗口感，配埋加咗生雞蛋嘅醬汁，入口更滑。🏮鹽燒白鱔（$88）白鱔肥美厚實，肉質 juicy，燒完仲一啲都唔腥。🏮日本金時蕃薯（$25）蕃薯香甜軟綿，細細粒可以一啖一粒。🏮鮮淮山（$18）淮山燒嘅時間控制得唔錯，食落爽脆帶焦香，亦有別平時滑潺潺嘅口感。🏮一口豆腐（$18）以鰻魚汁一齊燒，味道甜甜地幾好食。🏮日本黑豚腩肉（$25）有高級五層燒腩仔嘅感覺，高級嘅原因係豚肉味濃而嫩
.
🏮餐前小食($30）
青瓜、白蘿蔔及紅蘿蔔條配上自家製嘅西班牙鯷魚醬，魚油味非常濃郁，鹹香味十足。
🏮香煎牛油果蟹肉餅沙律（$118）
有蟹籽、牛油果及清新嘅蔬果，配埋芝味及蟹味十足嘅蟹肉餅，健康得嚟又有點邪惡。
🏮九件壽司（$298）
壽司選用時令新鮮嘅魚生，配以日本種珍珠米，好有日本嘅感覺；赤蝦、帶子及海膽都好鮮味甘甜，魚類大部份都好肥美， 正！
🏮千府一品厚切牛舌芯（$138）
牛舌芯既嫩且爽口彈牙，厚得嚟一啲都唔韌，而且牛味好出，勁好食。
🏮手作免治雞肉軟骨餅（$38）
雞肉軟骨餅入口鬆化又juicy，食落有少少軟骨增加咗口感，配埋加咗生雞蛋嘅醬汁，入口更滑。
🏮鹽燒白鱔（$88）
白鱔肥美厚實，肉質 juicy，燒完仲一啲都唔腥。
🏮日本金時蕃薯（$25）
蕃薯香甜軟綿，細細粒可以一啖一粒。
🏮鮮淮山（$18）
淮山燒嘅時間控制得唔錯，食落爽脆帶焦香，亦有別平時滑潺潺嘅口感。
🏮一口豆腐（$18）
以鰻魚汁一齊燒，味道甜甜地幾好食。
🏮日本黑豚腩肉（$25）
有高級五層燒腩仔嘅感覺，高級嘅原因係豚肉味濃而嫩，肥而不膩，好食！
🏮巨峰乳酸梳打（$38）
100%青森縣蘋果汁（$48）
富士山造形玻璃杯配冰球及薄荷葉裝飾，令飲品加哂分，加埋LED燈夠晒IGable。
🏮宇治抹茶十勝紅豆布丁 $48
十勝紅豆香甜綿密，抹茶布丁茶味濃郁，一齊食係perfect match。
Post
