Pho Bar (Closed)

去中環見完客，跟同事一齊食lunch，經過利源西行見度有間隠蔽越南粉小店，幾吸引!! 決定入去試試!  菜單只有兩頁紙，有飯有麵，落單似車仔麵形式點餸和配菜，不錯，可以tick走一些唔食既配菜，唔好浪費食物!  本來想吃新加坡胡椒肉骨茶，但天氣太熱，食完怕熱溶自己，所以叫了麵餐；自己點了生熟美國頂級牛肉配金邊粉，配料選了金不換、蔥、炸蒜及洋蔥，加$20仲可以轉意大利翠玉瓜麵。大湯碗盛上，濃濃的牛骨湯，帶有少許油，金邊粉幼細，趙落有少許帶嚼口；美國牛肉，肉質軟腍，食落滑而無渣! 同事點了叻沙米粉及牛腩河粉，同事說不錯。細看落單紙，原來黃竹坑都有分店，下次去果又多個選擇!