Oliver's Super Sandwiches (Closed)

年卅十晚放早，不過都要做到差不多兩點先有飯食。約左女友喺銅鑼灣廣場等，行過見 Super Sandwiches 有空位，都費事再花時間去諗食乜野，即係走入去坐低休息下先。到 counter 買野食時先發現已有多款餐點售罄，心想晚上還有團年飯吃，還是清清地吃個沙律吧。餐牌只剩下三文魚沙律，我便叫了個超級套餐，即是加了雜菜湯以及咖啡。食物大概花了十分鐘才送來，雜菜湯味道還好，只是稍為淡左 d，亦稀左少少。至於三文魚沙律，三文魚沒甚麼味道亦唔夠滑，不過這都不是甚麼問題，疏菜就普普通啦，最令我不喜歡的是太多橄欖油，整個碟都是油，菜面上也有不少，而且油沒有橄欖的香味，只感到非常油膩。食到最後幾條時，就像油浸時疏那樣，實在令人受不了。至於杯咖啡，味道普通，有點“鞋”口，奶不夠香，幸好不算大杯，飲幾啖還是可以的。