唐包點 (港鐵美孚站)

Open Now

Now Closed

今晚屋企無飯食，唯有食自己。美孚站入面開左間唐包點，其實都係唐記集團。由於唐包點都係開向地鐵站裡面，所以佢地D食物包裝都好唔同，預先包好晒，方便拎走。唐記既糯米雞一直都係我至愛，廿幾蚊好鬼大隻，又足料。唐包點既糯米雞係放在一個外賣盒裡，方便大家在趕時間既時候極速充飢，不過我就買返屋企慢慢歎。糯米雞入面有咸蛋黃，一大舊叉燒，一隻雞中翼，冬菇，好juicy既肉碎，夾埋黏黏既糯米非常好味。食完一隻之後真係大滿足，好飽。唐包點賣既雀巢咖啡唔會比外面貴，都係巿價，咁就隨便買罐送糯米雞。唐記菜肉包都好好味，皮薄肉厚，所以買定一個第二朝食早餐，買多幾罐咖啡慢慢歎。