御米之家

Open Now

Now Closed

潮流興健康· 朋友介紹我，專程入黎荃灣試下，御米之家喺悅來酒店隔離，店內食物主打健康為主，手工製作，全部無添加、無雞粉、無味精。米方面全部使用進口日本米。入到店見到多款保健飲品，露兜水、薏米水、海底椰、山渣、牛蒡水…. 全部都係自家製，無添加無防腐劑，選料健康食材，亦無人造糖！每日新鮮製作，賣完就要等再煲，如果想要大量，或者你可以提早預訂！店鋪入面亦有客飯，今日我食早餐，食左呢幾樣野，健康之餘全部都好好食😋芝士火腿飯糰 $40-飯糰賣相精緻，採用日本米，外層米飯煮得軟硬適中，入面包住幾層芝士，香濃芝士配美味火腿。每一啖都散發出濃烈芝士味，而且有青瓜粟米配襯。可可香蕉抓餅 $40-手抓餅適合做早餐或甜品。外皮微脆煙靭 ，內裡鬆軟配埋香甜香蕉同濃郁朱古力，非常美味，亦可當作輕食一餐。椰汁鮮奶桃膠 $38-飲落好香嘅椰奶味，桃膠增加口感，桃膠係一種天然食品，有多種保健功效，椰奶桃膠既滋潤又開胃、清涼解渴，係一杯健康嘅手搖飲品！御米之家所有食物即叫即整，非常新鮮、無添加、無人造糖。係心機製作.. 好有特色，店家亦好親善。如果你都崇尚健康，呢間店會適合你，值得試下，可以支持下用心經營既小店。隱世