Muse Furniture Lab (Under Renovation)

終於有機會去錦田打卡餐廳Muse Furniture Lab朝聖喇🫶🏻室內英倫風黑x灰裝潢，室外大草地上古典庭園裝置，另一邊有懷舊傢具店提供訂製傢俬服務…佔地廣而且每一角落都有打卡位！餐廳人氣超高，去之前一定要預先訂位，同埋check清楚交通路線，或者揸車過去喇🚗🔸墨西哥辣椒墨魚鬚蜆意大利粉以jalapeño，車厘茄同紅椒造出一個輕身但味道濃郁既醬汁，蒜香辣勁平衡而且惹味，加上酸甜蕃茄味，出黎效果好驚喜🥰值得一讚墨魚鬚大大條好彈牙，蜆肉亦夠新鮮，整個配搭好出色！🔸煙三文魚配奶油芝士法式可麗餅可麗餅煎得薄身而且煙韌，裡面有椰菜絲、cream cheese等等，上面再放一大片煙三文魚同煎蛋，以微辣醬汁解膩。店家用心以不同顏色garnish裝飾，賣相精緻之餘仲好飽肚🤤🔸韓式辣烤雞中翼上枱俾雞翼size嚇一跳！珍寶size雞中翼炸完之後鎖住肉汁，啖啖肉而且肉質嫩滑，韓式辣醬甜辣味道好夾🔸泰式炸蝦餅估唔到蝦餅份量一樣咁多！炸漿薄身內裡煙韌，配泰式辣醬好惹味🔸檸檬柚子梳打檸檬配柚子既清新配搭，酸酸甜甜夠哂開胃