四姐川菜

Open Now

Now Closed

呢間四川私房菜係喺灣仔既一個大廈既樓上鋪，如果唔係朋友介紹都搵唔到呢間咁正宗既四川菜。佢晚市既收費係按人頭計算，每位$340，如果兩位既話就可以揀兩款涼菜同埋三款熱菜，如果多人啲可以揀既菜就越多。涼菜方面，我同朋友揀左招牌四川涼麵同埋夫妻肺片。四川涼麵都幾大份，上菜後，可以自己將啲醬料同麵撈埋，由於我朋友唔太食辣，所以我地冇撈哂全部醬，個辣度對於我地黎講岩岩好。夫妻肺片亦都好正宗，同喺四川食過既味道一模一樣。熱菜方面，我地點左招牌重慶水煮魚、香辣魷魚蝦同埋糖醋里脊。重慶水煮魚真係好正，落左好多配料，水煮魚好嫩滑，入面左有好煙韌既薯粉。香辣魷魚蝦係將蝦同魷魚炸左再煮，脆到連蝦殼都可以就咁食架。糖醋里脊呢個家常菜亦都整得好好。餐廳亦都會附送一碟鮮嫩既炒油麥菜。