Video
Read full review
2016-12-06
895 views
今晚係男友生日，佢鍾愛土耳其菜，之前我黎過覺得氣氛幾好，所以帶左佢黎依度慶祝生日，佢好奇我做咩咁神秘帶佢上樓，到左佢先知道係cafe，仲有佢好鍾意既貓咪陪住食飯，佢表示高興我地叫左$168 Simple design set，係由廚師發板煮六道菜同一道甜品，因為我地唔食羊，所以預先係落單時講左，除左依個set仲有其他唔同既set選擇<<特色沙律配白芝士>>入面有生菜、蕃茄、青瓜，食落酸酸甜甜，配埋白芝士一齊食幾夾，口感好清新同開胃個烤雞雖然外皮有少少烤焦，但食落個肉質好滑同多汁，食得出用左多種香料醃製，雞肉下面係青椒洋蔥飯，味道好香，配埋雞肉幾惹味，好好食<<巴里島招牌巴東牛肉配烤餅>>巴東牛肉連椰菜同洋蔥食落幾濃郁惹味，面頭係酸芝士醬，再用烤餅包住食，個烤餅比平時食到既更加薄，口感唔會好乾身，捲住牛肉一啖食好滋味<<自製土耳其牛肉餃子>>第一次食牛肉餡既餃子，包到細細粒，咬落個外皮好脆，食個時仲有牛肉汁湧出黎，重香料味同好惹味<<土耳其乳酪芝士炸物>>炸得香
我地叫左$168 Simple design set，係由廚師發板煮六道菜同一道甜品，因為我地唔食羊，所以預先係落單時講左，除左依個set仲有其他唔同既set選擇<<特色沙律配白芝士>>
入面有生菜、蕃茄、青瓜，食落酸酸甜甜，配埋白芝士一齊食幾夾，口感好清新同開胃
個烤雞雖然外皮有少少烤焦，但食落個肉質好滑同多汁，食得出用左多種香料醃製，雞肉下面係青椒洋蔥飯，味道好香，配埋雞肉幾惹味，好好食
<<巴里島招牌巴東牛肉配烤餅>>巴東牛肉連椰菜同洋蔥食落幾濃郁惹味，面頭係酸芝士醬，再用烤餅包住食，個烤餅比平時食到既更加薄，口感唔會好乾身，捲住牛肉一啖食好滋味
<<自製土耳其牛肉餃子>>第一次食牛肉餡既餃子，包到細細粒，咬落個外皮好脆，食個時仲有牛肉汁湧出黎，重香料味同好惹味
<<土耳其乳酪芝士炸物>>炸得香口，內餡係白芝士同芫茜，個味道食落好fresh，芫茜既味道去個芝士既漏，兩種夾埋食好夾
<<蜜桃炸魚塊>>蜜桃味道甜甜，配埋炸魚塊、蕃茄同沙律汁，食落個配搭好鮮甜，完全唔覺得油膩，好似食緊沙律咁
甜品有三款，白色個兩粒食落係龍鬚糖咁，係合桃酥既味，甜度剛剛好，幾香口。兩粒係玫瑰味土耳其糖，口感煙煙韌韌，玫瑰味道好清新。最後兩件食唔出係咩酥，味道略甜
整體而言，餸菜係一道道咁上，唔係一次過上哂，似食緊私房菜咁，靜靜地同貓咪玩，食個飯幾舒服，整體味道確實唔錯，下次會再同黎幫襯
Post
