Video
Read full review
2023-01-02
51 views
Yuyu Sushi琴晚同朋友去長沙灣搵野食，搵到隱世嘅壽司店，查一查原來間壽司店之前喺灣仔，幾年前搬咗嚟長沙灣，搬咗都有接近5年，壽司師傅原來有30年經驗，手握壽司無難度，間餐廳仲可以比人包獨立私人房，如果夠16人或消費滿3000蚊就可以預先預約包房服務，夠哂私隱度！輪椅人士如果想去呢間壽司店記得要搭貨上喜薈商場，個貨喺喜薈隔離嘅薩莉亞餐廳右手邊一個好隱蔽嘅地方，搵高手嘅我都要搵幾分鐘先搵到，詳程可以睇我拍嘅影片！1.精選壽司定食+沙律+味噌湯+ 茶碗蒸$145（8/10）呢個壽司定食總共有九件壽司，包括有吞拿魚赤身、油甘魚、三文魚、魷魚、帆立貝、鰻魚、熟海蝦同五目腐皮。個人幾鍾意油甘魚、三文魚、魷魚、帆立貝，三文魚超厚，應該有壽司朗3倍咁厚，油甘魚油脂分佈平均，帆立貝好厚，唔係薄切，應該係原粒，魷魚唔硬，好彈牙！味噌湯充滿香濃麵豉味，都幾多海帶，仲有豆腐，飲落唔會好咸！沙律份量多，又有蕃茄仔、 青瓜同粟米粒， 食落好清新又多水！茶碗蒸入面d蛋又香又滑，配料又多，包括有燉蛋: 冬菇、白果、瑤柱、蟹柳同雞肉！2.蒲燒鰻魚玉子丼+沙律+味噌湯+ 茶碗蒸$128（9/10）呢碗鰻魚玉
琴晚同朋友去長沙灣搵野食，搵到隱世嘅壽司店，查一查原來間壽司店之前喺灣仔，幾年前搬咗嚟長沙灣，搬咗都有接近5年，壽司師傅原來有30年經驗，手握壽司無難度，間餐廳仲可以比人包獨立私人房，如果夠16人或消費滿3000蚊就可以預先預約包房服務，夠哂私隱度！
輪椅人士如果想去呢間壽司店記得要搭貨上喜薈商場，個貨喺喜薈隔離嘅薩莉亞餐廳右手邊一個好隱蔽嘅地方，搵高手嘅我都要搵幾分鐘先搵到，詳程可以睇我拍嘅影片！
1.精選壽司定食+沙律+味噌湯+ 茶碗蒸$145（8/10）
呢個壽司定食總共有九件壽司，包括有吞拿魚赤身、油甘魚、三文魚、魷魚、帆立貝、鰻魚、熟海蝦同五目腐皮。個人幾鍾意油甘魚、三文魚、魷魚、帆立貝，三文魚超厚，應該有壽司朗3倍咁厚，油甘魚油脂分佈平均，帆立貝好厚，唔係薄切，應該係原粒，魷魚唔硬，好彈牙！
味噌湯充滿香濃麵豉味，都幾多海帶，仲有豆腐，飲落唔會好咸！
沙律份量多，又有蕃茄仔、 青瓜同粟米粒， 食落好清新又多水！
茶碗蒸入面d蛋又香又滑，配料又多，包括有燉蛋: 冬菇、白果、瑤柱、蟹柳同雞肉！
2.蒲燒鰻魚玉子丼+沙律+味噌湯+ 茶碗蒸$128（9/10）
呢碗鰻魚玉子丼超級好味，份量又多，店員話呢碗係人氣爆登， 一碗入面有三條鰻魚，鰻魚燒得好脆口， 每一條鰻魚都好厚，至於玉子就正正常常，飯方面就食得出係用日本米，粒粒分明，唔會太濕，落醋方面較得啱啱好，值得大家試下！
2人總共價錢$300，有加一服務費！
個人口味總評分：8.5/10
地址：長沙灣青山道399號喜薈商場1樓2號舖
#壽司 #鰻魚 #茶碗蒸 #YuyuSushi #相機食先 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
