麵道 (Closed)

麵道個地點好方便，一出石門站見到佢啦。放午飯時間，見唔算好多人入咗去食，意外地覺得好好食，不過等待拉麵嘅時間有啲長。有心機整出嚟嘅食物果然係需要時間。今次我食咗博多味玉豚骨拉麵，湯底好濃郁豚肉味，麵質亦都係我好鍾意食嘅日本拉麵，而唔係公仔麵質。佢個豚肉望落去有少少柴，但一咬落去好多汁，好嫩滑。我好鍾意食蔥所以追加左，覺得加咗蔥嘅拉麵特別好食。雖然佢唔係特別平，但如果喺附近返工返學嘅朋友，有機會一定要試下。