瀛火日式放題

Open Now

Now Closed

今日試佢嘅午餐任食，食物驚訝地好味，食物冇話有乜。刺身幾新鮮下，尤其是馬刀貝同油甘魚係必食，油甘魚可以食到佢獨有嘅油脂甘香同獨有嘅酸香味，馬刀貝清甜爽脆。壽司係難得冇敷衍了事，食到嘅飯冇壓實令你食飽，而係會有佢鬆軟嘅口感，魚出都可以食到同刺身咁新鮮嘅品質。尤其是左口魚嗰個火燒完嘅魚油香滲入到飯嘅感覺的確驚豔。熱食都同樣好味，尤其是粉絲蒸帆立貝同燒廣島蠔夠新鮮鮮甜，燒羊架用西式調味，可以食到佢嫩滑嘅肉汁同佢羊嘅酥香，味道超級和諧。而且佢辣酒花螺肉質鮮美，再加佢嘅汁煮，的確正。整體呢講，食物質數驚訝地幾好，新鮮好味，而且係大多數都keep到水準，雖然價格小貴，但食物品質對得起佢嘅錢，環境還ok坐得舒服。