瀛火日式放題

Open Now

Now Closed

一開始入去嘅時候諗住大年初一冇訂枱都好大機會冇位。。。好彩時間比較早，所以都有枱。一入到去啲服務員已經同我哋好詳細咁講述有啲咩嘢飲，凍熱都有。而且佢哋都好主動去問我屋企人有冇長者咭，唔似其他嘅餐廳咁個客唔問佢哋就唔理～上刺身嘅時候啲服務員都同我哋講要優先食，如果唔係會出水😂佢哋嘅服務態度好到我有啲尷尬，唔知以為自己去咗爆星嘅酒店食嘢🤭🤭d蝦好甜又大隻，其他刺新都好鮮甜！個燉蛋又唔會好老啱啱好！另外我哋都叫左即開生蠔，啲生蠔都好重海水味好正，而且價錢都唔貴！除咗嘢食好食之外，我覺得重點係真係佢哋服務態度係超好，佢哋會好留意顧客嘅需要，例如紙巾濕紙巾。而且佢哋都好體諒老人家冇記性，服務員一早同我哋講咗凍熱嘅嘢飲都有，老人家唔記得佢哋都好有耐性再講多次～又主動問顧客需唔需要幫佢哋影相，唔係淨係我哋呢一枱喺咁，我聽到佢哋都有問其他枱嘅客人～絕對喺物有所值可以再去食嘅鋪！

住喺香港仔，每次想食放題嘅時候，都淨係可以去銅鑼灣、旺角呢啲地方先有得食……但係，喺一年前，香港仔都開左一間日式放題喇，終於可以唔洗搭車都可以食到放題今次已經唔係第一次光顧，而係光顧左好多次，每次食完都話要寫篇食評讚揚下，但每次都冇寫，今日再光顧，一定要寫番一篇食評表揚同分享。我喺前一日先訂枱，以為會冇枱，但老闆今日留左一張大枱比我，真係好開心。雖然，店舖唔大，但坐位坐得好舒服，店舖亦好乾淨。老闆仲特意留左半打生蠔比我，生蠔隻隻都非常肥美鮮甜，超正第一輪落左刺身拼盤，三文魚、八爪魚、泰式生蝦、阿根廷赤蝦、甜蝦……都好新鮮美味，擺盤亦擺得好靚，好有心思，增加了不少食慾!之後陸陸續續都落左好多唔同嘅食物，上菜速度快，非常有效率。本人推薦一定要食 1.烤羊架，因為羊架唔食烤得太老，啱啱好。2. 茶碗蒸蛋，平時食嘅蒸蛋就真喺得蛋，咩都冇，但瀛火嘅茶碗蒸蛋有蟹籽、冬菇、蟹柳同明門卷，夠特別，而且蛋真係蒸得好滑 3.清酒煮蜆，清酒唔會太重，可以食到蜆嘅鮮味。最後，最重要嘅係店員好有禮貌，上菜速度快，收捨枱嘅速度快，抵讚瀛火日式放題，值得推薦比大家，因為性價比真係好高

呢間餐廳喺屋企附近，9成香港仔人都唔睇好佢嘅前景，最近由放題only變到有lunch set，告急feel重😬早排有個香港仔朋友話佢食左幾次，食物都幾好，咁我就的起心肝boxing day五點入座試試佢。入到去已經有兩枱人食緊😲食物種類都算多，刺身唔會話好鮮味但係至少唔會腥，我會話壽司郎level咁囉😅熱食真係好癲，未試過香港餐廳啲野熱辣辣得咁緊要，平時唔熱唔食應該就黎口腔癌嘅我，都要攤一陣先食到😂 鍾意多菜少肉嘅人可以嗌炒雜菜同飛天通菜，數量寫1但係個份量都算係放題嘅2人份😙 吉列蠔好食過焗蠔，羊架夠淋唔騷但有羊香味，呢個我自己encore左😝 冬蔭功湯唔ok，三文魚蕃茄湯有淡淡魚味👍🏻 牛肉壽喜燒鍋一定要第一轉就落單，因為佢去到中後段先到，食到飽左真係唔太食得落😭甜品每人揀2款，另外h記雪糕就每人一杯。雪糕嗰到有菠蘿雪葩，食落真係有一絲絲菠蘿而且唔甜，必點😍 其實去到尾都好飽，所以限量甜品都冇所謂，百福豆腐花直頭拎返屋企算😅服務態度好到我懷疑人生😵‍💫 樓面全部都好好禮貌，食到夠鐘冇趕我地走，只係叫我地冇野加就可以埋左張單先，仲想加埋茶比我繼續坐🙈 佢地嘅服務就好似fg出社會好有衝

難得香港仔竟然有一間日式放題餐廳新開，我當然要去試一試。他們的那個日本武士鎧甲令人非常之注目，進去之後也是一個普通不過的放題店，當中的食物不過不失，然而選擇比其他的放題店更少，不知道是不是因為算是新開的關係，或者是在香港仔算是一門獨市生意。最另外印象深刻的是他的手卷，我本身想像他的手卷份量會很少嗎？然後他一上菜的時候我就整個人震驚了平常用紫菜包起來的魚生，今次竟然是用超級市場買到的即食雪糕筒代替了紫菜，我真的嚇了一大跳。

寧願搭車出銅鑼灣食都吾會再食依間，二百幾蚊好少野食選擇，仲要啲野食吾好食！基本上每樣野都有試，得個三文魚頭湯同啲甜品系正常啲去個陣得2枱客，到我地落單之後得番一枱，啲野食都可以做得吾好食，點左兩個炒菜，通菜生到不得了仲要系吾熱，連暖都稱吾上，炒雜菜勁難食，個汁燶左！冬蔭公湯勁奶完全吾系個個味！啲食評竟然話好食過大喜屋？得啖笑，比二百幾蚊食大喜屋都起碼多野食過佢，好食過佢吾忙既時候都甘樣，想像唔到忙個陣啲野食會系點！

呢間放題 已經係我同屋企人第三次食了 雖然地方很少 但勝在多款式美食可以選擇 野飲就有氣水 啤酒任飲 呢個價錢食到放題 算對得住荷包啦 加上 最尾老闆溫馨提示 記得留肚食甜品 值回票價

今日試佢嘅午餐任食，食物驚訝地好味，食物冇話有乜。刺身幾新鮮下，尤其是馬刀貝同油甘魚係必食，油甘魚可以食到佢獨有嘅油脂甘香同獨有嘅酸香味，馬刀貝清甜爽脆。壽司係難得冇敷衍了事，食到嘅飯冇壓實令你食飽，而係會有佢鬆軟嘅口感，魚出都可以食到同刺身咁新鮮嘅品質。尤其是左口魚嗰個火燒完嘅魚油香滲入到飯嘅感覺的確驚豔。熱食都同樣好味，尤其是粉絲蒸帆立貝同燒廣島蠔夠新鮮鮮甜，燒羊架用西式調味，可以食到佢嫩滑嘅肉汁同佢羊嘅酥香，味道超級和諧。而且佢辣酒花螺肉質鮮美，再加佢嘅汁煮，的確正。整體呢講，食物質數驚訝地幾好，新鮮好味，而且係大多數都keep到水準，雖然價格小貴，但食物品質對得起佢嘅錢，環境還ok坐得舒服。

雖然香港仔得一間日式放題，但勝價比真係好高先講刺身，好新鮮！ 赤蝦大隻！ 壽司有D好特別，例如係黑松露帶子！天婦羅唔油膩！ 秋葵好好食，南瓜外脆內軟！炸物有榴槤炸彈！ 我叫左3 round !蒸扇貝個汁好有風味，豉汁炒蜆 辣酒花螺食到舔舔脷！羊架唔太肥，燒得剛剛好！燒菠蘿，真係間場恩物！ 甜品推介菠蘿雪葩！ 菠蘿味好濃！

衛生極差服務態度又差，全部人都冇禮貌 上菜速度又慢 漏單情況超級嚴重 刺身又唔新鮮，有啲嘢食又未熟 炸物又燶晒 嘢食款式又少 俾幾百蚊買難受 真係難以想像佢點樣繼續經營落去 ！

自從鮨政香港仔分店關門後，同區有啲質素嘅日餐都所剩無多。好彩開左喱間放題頂住👏🏻坦白講都好多年冇食過放題喱間放題嘅刺身質素真係有啲驚喜！👍🏻比起隔離對面幾十蚊得3/4件，喱度可以任食真係超爽😋熟食黎講，所有食物上枱熱辣辣💯款式都唔少，我未試到超過2/3都飽到食唔哂！食完嘢收碟嘅速度超快張枱食極都係咁乾淨🤣走嘅時候見到有張枱嘅客人留低咗手機，職員跑咗成條街去追番個客人👍🏻 十分抵讚

🍽️ Lunch $268 / Person
We ordered two rounds of sashimi! Since the restaurant just opened, the selection is not extensive, but every piece of sashimi is fresh! In the first round, we ordered Norwegian salmon, Japanese hamachi, scallops, shrimp, Hokkaido scallop and honey glazed abalone slices ~ Among them, our favorite is the shrimp! They are huge and delicious!🌱In addition to sashimi, the restaurant also offers appetizers, sushi, teppanyaki, fried items, and tempura! The standout is the grilled

現時嘅質素同服務相當高水準，食物種類未必夠大喜屋多，但每樣食物都唔錯，尤其係刺身；上菜同收碟速度亦相當快。雖然店舖較細，座位間不是太闊落，但廚房同餐枱嘅唔會太遠，所以每款燒物同天婦羅都熱辣辣。

復活節假，留港消費估唔到爆場，用餐時間20:302個人食，可以坐到4人枱，舒服👍唔似大x屋，明明隔離冇人都要迫你坐2枱食物質素好過旺角上樓d垃圾放題款式雖然少d，但好味👍刺身甜蝦有待改善三文魚都可以壽司紫菜脆，最怕見到淋晒d紫菜比想像做得好👍熟食勁出色，所有食物熱辣辣出爐扇貝正燒大蝦，超有蝦味👍，超有驚喜（厄唔到香港仔人由細食海鮮大）牛舌、羊架、牛仔骨勁正絕對好食過大x屋，小店加油見意如果可以加d粥，拉麵選擇就更好👍

要喺度借此機會提醒大家小心啲！就係企喺收銀肥肥地嗰位男士！佢哋係咁打乞嗤，同埋咳，都唔會選擇戴口罩更加唔會去廁所洗手！衛生情況非常惡劣！熟食方面！佢哋出嘢食，更加唔會選擇帶手套望住啲店員手指插咗入食物入面！非常之嘔心！特別就係嗰個粉絲蒸扇貝！望住店員用手將啲粉絲攞返上去不特止！仲要出埋俾啲客人食衛生情況呢間餐廳非常之惡劣！周地垃圾亦都冇店員去主動清理！甜品櫃，亦都冇進行清理！成個櫃邊都係啲黑色一點點！真係唔會願意再去光臨呢一間餐廳

呢間餐廳應該係我食過有史以來上菜速度最慢嘅一間！刺身壽司方面，起碼落單後等30分鐘！記得壽司方面唔好抱有太大期望！絕對係石頭壽司！冇咁上下牙力絕對食唔到！串燒方面，羊架會發出陣陣嘅酸味！而且串燒應該都係炸出嚟！全部串燒都反光勁多油！炸物就都係咁啦，油立立！仲要全部都係林啤啤！本身都預咗冇抱咩期望！點知呢間餐廳真係太大出入冇一樣嘢食可以好讚賞嘅地方！唯一有一樣嘢就係環境！8:00成個場加埋得三台！非常寧靜！咁嘅嘢食出品！唔怪得知得三台客啦