MYC CAFE (Closed)

今日去咗長沙灣依家MYC Cafe食晚飯，地點來講相對比較偏僻，喺長沙灣站行過去都要10分鐘左右，但係勝在人少坐得又舒服，服務來講亦都相當唔錯。Menu都有好多選擇，揀咗兩個pasta，一個係香草牛油汁龍利柳意粉，另一個就係三文魚意粉，兩個都幾好食，不過個意粉汁嘅味道就可以再加強少少啦。另外一提個沙律味道非常唔錯，相當之新鮮，令人煥然一新嘅感覺。餐飲方便係有茶包嘅凍茶或者熱茶，都相當之清新！埋單都唔使$70一個人，真係價廉物美嘅選擇！