迦米泰式小食 (Moved) New Location

琴日lunch time係街行過，聞到好香嘅燒烤味，仔細望先留意到尼間小店。就係比尼陣燒烤味吸引左，今日就黎左試下啦。老實講，餐廳門面真係有少少up dup，入面放左幾張摺枱，空間唔係好大，大約容納到十零個人左右。咁今日我就叫左兩串串燒，一雞一豬，同埋一個泰式炒河。先講串燒真係超級香，入口好juicy，好食。個人就鐘意豬串多啲，比起雞串，仲多左個咬口跟住到個炒河，同樣都係好好食，河粉有獲氣，仲有陣焦香味，食到唔停得口。串燒$15串，而炒河就要成$60，同區黎講算幾貴。不過食物質素搭救。所以話，真係唔好睇少尼啲up up dup dup嘅鋪頭仔，隨時係隱世美食店黎！