聚會小廚雞煲火鍋

Open Now

Now Closed

餐廳開係一條毫不起眼嘅街，門口又開得細細，被我有一種隱世小店嘅感覺.入到店內先知道原來內裡頗闊落，唔會坐得迫迫夾夾，可惜冷氣唔多夠！點咗個豉椒炒蜆，一口脆豆腐同椒鹽牛仔骨.豉椒炒蜆：蜆比想像中大隻，好似係花甲，肉嫩入味，最重要係無沙.一口脆豆腐：哩個係我去到每間餐廳都必點嘅小菜，眼前嘅脆豆腐外脆內軟，滿意，餐廳重好有心思提供咗油鹽水俾客人點，但味道太淡，但我都係欣賞原味。椒鹽牛仔骨：望埋去顏色頗深，以為煮得過火太事身，食落juicy有肉汁唔乾身，只可惜鋪係面嘅香蒜粒有部份係偏硬，所以影響咗少少口感.三個小菜，落單唔洗五分鐘就全部上枱！強！