有家煎餅

Open Now

Now Closed

路過龍門居條食街，有少少肚餓，見到呢間小食店，見到佢呢個即做嘅煎餅好吸引，忍唔住試吓。店員都有推介佢哋嘅甜品，作為一個甜品又點會忍得口。😜我叫咗佢嘅特色煎餅啦，加咗台灣香腸同紫菜肉鬆即叫即做，佢好足料啊，熱辣辣咁樣真係好好食。我要同阿仔share先食得晒。甜品食咗店員推介嘅桃膠鮮奶，嘩！超大筒都係$28，啲奶好香滑亦有足料嘅桃膠。我仔叫咗嘅芒果檸檬茶都好飲。另外佢個擺得好靚精緻嘅芋泥抹茶佈甸碗，堅好食，我覺得佢個芋圓同埋個抹茶布甸都好出色。真係食得出香濃嘅抹茶味。芋圓煙韌韌又有芋頭味，超想encore。咁嘅價錢，有咁高嘅質素真係好驚喜💁🏻‍♀️我下次經過一定會再去食。