富嘉食堂 (Closed)

呢日約左以前一班同學聚下，揀左呢間地理位置比較隱世既食堂，唔洗去啲旺區同人逼~蠔餅一睇就知煎得脆口，蠔亦都好大隻，隻隻肥嘟嘟，口感十足清蒸飽魚，用果皮黎蒸就係我最鍾意既食法果皮有股清香既味道，可以去除鮑魚既泥味但同時亦唔會掩蓋佢既鮮味而且size十分合我心意，因為太大隻會好韌反而咁樣細細隻又食到肉，又夠淋白灼蝦夠鮮甜，隻隻蝦都咁彈牙金銀蛋西洋菜，呢味餸真係好耐無食過喇睇相都見到鹹蛋&皮蛋都好足料，個湯用黎送飯真係好好味!薯仔炸過，但一啲都唔油，反而食落無咁重澱粉質既感覺外皮夠脆，但薯仔肉依然係咁嫩滑