Video
Read full review
2023-05-06
965 views
行完K11去咗後面街搵嘢食，最近開咗好多新餐廳，看到有一間專做英國🇬🇧餐嘅餐廳，就要去試試。地舖設計非常精緻，有露台仔，好似外國見到嘅西餐廳一樣。做到好悠閒嘅感覺。室內以英式設計，好多書架、壁畫同水泥磚、好有輕工業風。店員非常細心解釋英國各地嘅all day Breakfast。有傳統、Welsh、Scottish 及BYO地區所製作嘅all day breakfast 款。Scottish 羊雜布丁、Welsh紫菜餅、BYO 自選三款餸。Brick lane Full English $168分量超多，薯餅超鬆脆食得出用新鮮薯仔炸。有煎好嘅煙肉，唔會過肥同過油。煙三文魚切咗朵花出嚟好有心機。好少見有豬血腸係Breakfast內，火腿、蕃茄、焗黃豆及約克群布丁（有啲似啱啱焗出爐嘅麵包）。Egg benedict $148一食呢個菜式，就諗起澳洲。軟殼蟹炸到金黃鬆脆食落去，完全唔硬，唔會刮傷喉嚨，亦都好重蟹味。再加埋兩隻用醋浸過嘅Egg Benedict, 冇得頂。Fish n Chips $188估唔到咁大碟，炸魚仲大過我塊面。炸白魚非常新鮮，魚肉好滑。厚切薯條，食落有薯粉，證明用既薯
做到好悠閒嘅感覺。室內以英式設計，好多書架、壁畫同水泥磚、好有輕工業風。
店員非常細心解釋英國各地嘅all day Breakfast。有傳統、Welsh、Scottish 及BYO地區所製作嘅all day breakfast 款。Scottish 羊雜布丁、Welsh紫菜餅、BYO 自選三款餸。
Brick lane Full English $168
分量超多，薯餅超鬆脆食得出用新鮮薯仔炸。有煎好嘅煙肉，唔會過肥同過油。煙三文魚切咗朵花出嚟好有心機。好少見有豬血腸係Breakfast內，火腿、蕃茄、焗黃豆及約克群布丁（有啲似啱啱焗出爐嘅麵包）。
Egg benedict $148
一食呢個菜式，就諗起澳洲。軟殼蟹炸到金黃鬆脆食落去，完全唔硬，唔會刮傷喉嚨，亦都好重蟹味。再加埋兩隻用醋浸過嘅Egg Benedict, 冇得頂。
Fish n Chips $188
估唔到咁大碟，炸魚仲大過我塊面。炸白魚非常新鮮，魚肉好滑。厚切薯條，食落有薯粉，證明用既薯仔好新鮮。再配埋青豆粒，打卡必點。 再點埋餐廳自家製塔蛋漿，冇得彈。
Margarita $88
用鹽痴住喺玻璃杯外面，好正宗嘅一杯傳統Cocktail。
Peach Ocean $68
飲唔到酒嘅我，嗌咗杯Mocktail, 酸酸甜甜幾好飲。
Post
