鶴崎居酒屋 (Closed)

隱世居酒屋，打卡棉花糖鹿兒島和牛壽喜鍋，餐廳設計走日式懷舊風，多影相位！環境一入門口已經有個大酒櫃，仲有個鼓可以影相，而旁邊嘅卡位亦都好似獨立包廂咁，私隱度高。餐牌都幾多嘢食揀，不能盡影。雲糖壽喜鍋(鹿兒島和牛) $268 一上枱好吸晴，唔止係壽喜燒咁簡單，仲配有棉花糖喺上面，等棉花糖用於湯底之中，可以提升甜度，就可以食。壽喜燒本身都屬甜湯底，加埋棉花糖落去甜度剛好，配上鹿兒島和牛、菌類、豆腐，都幾飽肚！北海道刺身丼 $118 本身諗住叫壽司，但叫呢個丼飯又抵食又可以試唔同嘅刺身。有海膽、帶子、蟹鉗、吞拿魚蓉等等，配埋醬油調味，刺身新鮮嫩滑，亦帶魚油香。花魚一夜干 $92 嗌咗碟燒魚，份量好夠，燒得勻稱，魚質略彈牙頗鮮嫩，但骨就比較多，要食得好小心。