Amazake (Closed)

因為疫情關係，盡量同朋友約閒日見面，諗住冇咁逼人。當晚單點幾款食物，大家都食得盡興開心！朋友揀咗幾款刺身，選擇唔多，但好新鮮。比較少見有魷魚，所以叫咗嚟試。上檯發現好大條，食落好軟身，如果可以脆身啲就更好。送酒都好好味。鹽燒油甘魚鮫都好大份，外脆內juicy ，配個汁比較酸，我覺得就咁食魚鮫已經好鮮味！之前去過銅鑼灣另一間居酒屋，印象中比呢個貴一倍價錢，呢個性價比高，值得一試。散叫壽司揀咗３款：海膽壽司 三文魚子壽司 蔥吞拿魚壽司海膽壽司 呢個都幾新鮮，如果海膽唔靚會一pat pat.. 但呢度冇咁嘅情況三文魚子壽司 咬落去爆汁，夠哂咸唔沾豉油都可以蔥吞拿魚壽司 落勁多吞拿魚蓉，足料！細個讀書成日食鰻魚炒飯，所以個人有特別情意結，見親都會點嚟食呢個飯炒得剛好，但加埋隻溫泉蛋就會偏濕，所以可以因應個人喜好撈唔撈蛋最後朋友想食鍋物所以要個泡菜豚肉鍋，剛煮好就送到檯上，食落好暖身。湯底微辣，咸咗啲，應該係預俾你送飯食就剛剛好。