一碗小麵

Open Now

Now Closed

港大附近都有唔少美食，其中一間近西營盤嘅餐廳食川菜嘅，新開的，位置唔算好顯眼。係朋友介紹先識黎。喺西營盤地鐵站向港大方向行幾步之後落個電梯就到啦。我同朋友兩個人係午飯嘅時候黎到，分別點咗兩個主菜另外再加杯嘢飲，平均每人都唔使一百蚊。我點咗蔥爆牛肉套餐，再免費加個白飯。牛肉嘅份量都幾多幾抵食，肉身唔算太難咀嚼，好香口。另外仲有超多蔥，鍾意蔥嘅朋友一定超啱食。至於朋友就點咗雞丁蝦仁炒飯，我都試咗幾啖。啲飯熱辣辣，而啲雞煮得幾好，唔算太鹹，亦唔係太油膩。 色澤光鮮增加食慾。另外飲品都值得介紹下。佢唔係一般嘅茶，而係玄米茶。我最鍾意佢夠香口，易入口，而且金黃色幾特別。除此之外，我同朋友都分別加咗嘢飲。朋友點咗豆漿，豆漿個杯身好闊，份量都好多。我就點咗冬瓜薏米茶，揀咗凍嘅。冬瓜切成細細粒配埋薏米，效果有驚喜，可以清熱解暑。餐廳雖然話係川菜，但係都有好多唔辣嘅款式，款式算多。離開呢頭既話都值得一試。