Video
Read full review
2022-09-14
57 views
紅館店舖位置較為隱蔽，我自己要開住地圖先識行，如果唔係上OpenRice搵有咩嘢食真係難啲自己發現有間咁嘅舖頭。餐廳有各式各樣嘅川式菜品，餐牌睇到眼花撩亂🤪。有麻辣大魚旦、鮮蝦紅油抄手等等作開胃前菜，想嗌個飯配小菜又可以揀回鍋肉或者京蔥炒牛肉，如果自己一個人嚟都可以就咁點一碗酸辣粉，而我同男朋友今次就揀咗紅館必食推介嘅「重慶水煮滑魚片」同大排檔風味嘅「鮮蝦雲吞滑雞煲」。🐟#重慶水煮滑魚片($188)：本身餐牌寫住重慶水煮龍利柳，不過落單時個姐姐同我講可以加錢轉滑魚片，我就諗反正都係不如食好啲啦😆然後就果斷加錢升級。水煮辣度我哋揀咗小辣，食到中後期先開始覺得麻同辣。好彩有轉到滑魚片，真係超級好食，魚片又滑又冇骨，連魚皮都好似花膠咁，而且份量非常之多，食到底都仲見到有幾塊魚片淨，另外每一塊都好完整唔係碎濕濕嘅魚肉👍🏻。魚片之下仲有大量嘅洋蔥同芽菜，洋蔥保持爽口口感仲有少少甜味，我哋最後都忍唔住加咗一個白飯($10)。🦐#鮮蝦雲吞滑雞煲 ($148)：雞煲可以揀普通雞湯或者麻辣湯底，我哋揀咗麻辣底，同樣係小辣，重慶水煮個麻辣程度會更加明顯，而雞煲相對會較清淡少少。一個煲入面有四大粒雲吞，而且
紅館店舖位置較為隱蔽，我自己要開住地圖先識行，如果唔係上OpenRice搵有咩嘢食真係難啲自己發現有間咁嘅舖頭。
餐廳有各式各樣嘅川式菜品，餐牌睇到眼花撩亂🤪。有麻辣大魚旦、鮮蝦紅油抄手等等作開胃前菜，想嗌個飯配小菜又可以揀回鍋肉或者京蔥炒牛肉，如果自己一個人嚟都可以就咁點一碗酸辣粉，而我同男朋友今次就揀咗紅館必食推介嘅「重慶水煮滑魚片」同大排檔風味嘅「鮮蝦雲吞滑雞煲」。
🐟#重慶水煮滑魚片($188)：
本身餐牌寫住重慶水煮龍利柳，不過落單時個姐姐同我講可以加錢轉滑魚片，我就諗反正都係不如食好啲啦😆然後就果斷加錢升級。水煮辣度我哋揀咗小辣，食到中後期先開始覺得麻同辣。好彩有轉到滑魚片，真係超級好食，魚片又滑又冇骨，連魚皮都好似花膠咁，而且份量非常之多，食到底都仲見到有幾塊魚片淨，另外每一塊都好完整唔係碎濕濕嘅魚肉👍🏻。魚片之下仲有大量嘅洋蔥同芽菜，洋蔥保持爽口口感仲有少少甜味，我哋最後都忍唔住加咗一個白飯($10)。
🦐#鮮蝦雲吞滑雞煲 ($148)：
雞煲可以揀普通雞湯或者麻辣湯底，我哋揀咗麻辣底，同樣係小辣，重慶水煮個麻辣程度會更加明顯，而雞煲相對會較清淡少少。一個煲入面有四大粒雲吞，而且唔知點解有啲雲吞入面仲有兩大隻蝦🦐🦐勁足料！反而雞有幾舊嘅口感比較紮實。煲入面仲有好多粒金華火腿同白菜仔，好鮮甜非常滿足。
🍶#瀘州老窖大曲酒：
而家做緊推廣優惠，每人送一杯仔指定白酒。好彩我事前望一望酒嘅餐牌，入面列明所有酒精濃度、口感同特色。得知呢隻#大曲酒 度數高達52%，所以第一啖都係輕輕用脷尖試一試味道，緩一緩之後先再飲。強烈建議各位如果唔係平時飲開白酒千祈唔好一大啖隊入口(唔好俾佢嘅shot杯呃到)，當日隔籬枱位師兄一啖飲完咳到肺炎仔咁樣🙈。落單姐姐仲問我飲唔飲得出菠蘿味，自問自己唔係好識飲酒，不過都飲得出少少甜味。
🍺#啤酒：
大支裝啤酒喺唔同時段會有唔同優惠，價錢詳情要問返店舖職員(例如晚市時段#青島啤酒 會做買一送一)。值得一讚嘅係，我哋當日叫咗一支#Asahi 店員姐姐拎咗一隻🧊冰凍嘅碗用嚟飲啤酒，真係非常貼心，飲都飲得爽啲🍻。
Post
