Video
Read full review
2021-06-13
80 views
天府川菜今日天氣好熱好想食辣野，同細佬行開天后見到好抵就食下，估唔到有意外驚喜，餐廳環境光鮮闊落，職員仲好有禮貌，服務非常好。紅燒肥腸紅薯粉$62叫咗小辣，紅薯粉煙煙韌韌好有口感，而且微辣好開胃，個湯有醋味酸酸辣辣，另外湯底好足料用心，用碎肥豬肉小辣椒碎蔥蒜炸左嘅辣醬，肥腸好爽同香口，仲有芫荽同炸菜吊味，好感動既酸辣味。紅糖糍粑$68鋪上一層黃豆粉，裏面應該係用米及糯米整嘅，煙韌有咬勁，外皮香脆，有一陣米香味，點上黑糖醬之後，甜甜地更好食，好似食緊黑糖珍珠。夫妻肺片$28切得好薄身，辣油唔會太辣，醬料好入味香口。口水雞$28口水雞切件，肉質好滑嫩，辣醬入邊配有麻醬，所以帶有少少花生味，中和左辣味，好容易入口。黃金炸饅頭$50外脆內實，外皮炸得好鬆脆，麵包好實唔係打氣麵包，好有口感，而且配上經典煉奶，味道既熟悉又可口。妃子笑$15味道好清新，底有荔枝蒟蒻，所以飲落有淡淡的荔枝味，又有青檸檬嘅清新。奇異世界$15偏重檸檬茶味，味道清甜。整體而言CP值非常高，午市套餐真係好抵，仲可以加$28配小食，樣樣都好好食，老闆係四川人，所以餸菜煮得好正宗，用心製作，食過真係回味無窮，一定會再食，細佬仲
今日天氣好熱好想食辣野，同細佬行開天后見到好抵就食下，估唔到有意外驚喜，餐廳環境光鮮闊落，職員仲好有禮貌，服務非常好。
紅燒肥腸紅薯粉$62
叫咗小辣，紅薯粉煙煙韌韌好有口感，而且微辣好開胃，個湯有醋味酸酸辣辣，另外湯底好足料用心，用碎肥豬肉小辣椒碎蔥蒜炸左嘅辣醬，肥腸好爽同香口，仲有芫荽同炸菜吊味，好感動既酸辣味。
紅糖糍粑$68
鋪上一層黃豆粉，裏面應該係用米及糯米整嘅，煙韌有咬勁，外皮香脆，有一陣米香味，點上黑糖醬之後，甜甜地更好食，好似食緊黑糖珍珠。
夫妻肺片$28
切得好薄身，辣油唔會太辣，醬料好入味香口。
口水雞$28
口水雞切件，肉質好滑嫩，辣醬入邊配有麻醬，所以帶有少少花生味，中和左辣味，好容易入口。
黃金炸饅頭$50
外脆內實，外皮炸得好鬆脆，麵包好實唔係打氣麵包，好有口感，而且配上經典煉奶，味道既熟悉又可口。
妃子笑$15
味道好清新，底有荔枝蒟蒻，所以飲落有淡淡的荔枝味，又有青檸檬嘅清新。
奇異世界$15
偏重檸檬茶味，味道清甜。
整體而言CP值非常高，午市套餐真係好抵，仲可以加$28配小食，樣樣都好好食，老闆係四川人，所以餸菜煮得好正宗，用心製作，食過真係回味無窮，一定會再食，細佬仲話點解屋企樓下冇呢一間，好想老闆快啲開多啲分店。
Post
