Video
Read full review
2018-05-15
70 views
A姐：做咩無啦啦帶人去工廠大廈？M佬：唔好咁多嘢講啦！A姐：依家講下嘢都唔得呀？你依家變咗啦！M佬：總之唔係呃你啦！話說，我約A姐去觀塘食飯，諗住帶佢去成業工業大廈一樓嘅隱世西餐廳Sunprime Cafe。一入到去，同出面嘅環境天淵之別，十分優靜。我哋就叫咗一人一個晚餐，有頭盤、餐湯、主茶、甜品同餐飲。頭盤：鮮大蝦柚子沙律配海膽泡沫汁賣相好吸引，A姐影咗成5分鐘相......終於有得食啦！大蝦鮮甜爽口，好細心咁幫你剝埋殼，新鮮沙律菜同柚子肉配埋海膽泡沫汁，非常醒胃。頭盤：阿根廷紅蝦刺身拼加拿大翡翠螺配咯嗲汁及青芥沙律汁加拿大翡翠螺兩大隻，彈牙肥美；阿根廷紅蝦刺身，膠身甜美。我就比較喜歡青芥沙律汁，好清新。餐湯：黑松露野菌湯一嚟到就好香黑松露味，質地厚身，啖啖都有野菌碎，非常足料。餐湯：法式洋蔥湯濃郁嘅牛骨湯配腍身洋蔥，法包吸晒洋蔥湯，加埋上面輕輕焗過嘅芝士，無得彈。主菜：自家醃製香草伏特加三文魚扒配大蒜忌廉汁天使麵香煎三文魚扒，外表乾身，裏面仲係嫩滑多汁，食落好香香草味。另外，天使麵幼滑彈牙，沾滿香口嘅大蒜忌廉汁。主菜：芝士蘑菇焗美國極黑豬肉眼配焦糖蘋果醬及忌廉燒汁極黑豬肉眼腍身嫩滑
M佬：唔好咁多嘢講啦！
A姐：依家講下嘢都唔得呀？你依家變咗啦！
M佬：總之唔係呃你啦！
話說，我約A姐去觀塘食飯，諗住帶佢去成業工業大廈一樓嘅隱世西餐廳Sunprime Cafe。一入到去，同出面嘅環境天淵之別，十分優靜。我哋就叫咗一人一個晚餐，有頭盤、餐湯、主茶、甜品同餐飲。
頭盤：鮮大蝦柚子沙律配海膽泡沫汁
賣相好吸引，A姐影咗成5分鐘相......終於有得食啦！大蝦鮮甜爽口，好細心咁幫你剝埋殼，新鮮沙律菜同柚子肉配埋海膽泡沫汁，非常醒胃。
頭盤：鮮大蝦柚子沙律配海膽泡沫汁
6 views
0 likes
0 comments
頭盤：阿根廷紅蝦刺身拼加拿大翡翠螺配咯嗲汁及青芥沙律汁
加拿大翡翠螺兩大隻，彈牙肥美；阿根廷紅蝦刺身，膠身甜美。我就比較喜歡青芥沙律汁，好清新。
頭盤：阿根廷紅蝦刺身拼加拿大翡翠螺配咯嗲汁及青芥沙律汁
5 views
0 likes
0 comments
餐湯：黑松露野菌湯
一嚟到就好香黑松露味，質地厚身，啖啖都有野菌碎，非常足料。
餐湯：黑松露野菌湯
7 views
0 likes
0 comments
餐湯：法式洋蔥湯
濃郁嘅牛骨湯配腍身洋蔥，法包吸晒洋蔥湯，加埋上面輕輕焗過嘅芝士，無得彈。
餐湯：法式洋蔥湯
8 views
0 likes
0 comments
主菜：自家醃製香草伏特加三文魚扒配大蒜忌廉汁天使麵
香煎三文魚扒，外表乾身，裏面仲係嫩滑多汁，食落好香香草味。另外，天使麵幼滑彈牙，沾滿香口嘅大蒜忌廉汁。
主菜：自家醃製香草伏特加三文魚扒配大蒜忌廉汁天使麵
5 views
0 likes
0 comments
主菜：芝士蘑菇焗美國極黑豬肉眼配焦糖蘋果醬及忌廉燒汁
極黑豬肉眼腍身嫩滑，啖啖都係肉，外層有輕輕焗過嘅芝士蘑菇，香口惹味，特別鍾意焦糖蘋果醬及忌廉燒汁嘅配搭，一咸一甜，味道豐富。
主菜：芝士蘑菇焗美國極黑豬肉眼配焦糖蘋果醬及忌廉燒汁
7 views
0 likes
0 comments
甜品：朱古力心太軟配朱古力雪糕
終於到甜品啦！朱古力心太軟熱辣辣，一切開就有濃郁嘅朱古力醬流晒出嚟，配埋自家製朱古力雪糕，Double朱古力，Double滿足感。
甜品：朱古力心太軟配朱古力雪糕
14 views
0 likes
0 comments
甜品：焦糖蘋果法式班戟配雪糕
唔係好多餐廳有Crepe食，呢到嘅Crepe新鮮整起，焦糖煮過嘅蘋果，唔係好甜，味道啱啱好，同雪呢拿雪糕好夾。
甜品：焦糖蘋果法式班戟配雪糕
11 views
0 likes
0 comments
飲埋伯爵茶同洋甘菊茶，真係大滿足！
（記住Like同Share畀朋友）
By A姐M佬 玩樂日記
Post
