新匯聚打冷小廚 (Closed)

呀媽話要食打冷，係觀塘揾左間隱世小菜，原本以為淨係打冷，點知佢小菜甜品飲品乜都做齊仲要唔貴，我下次都會食下佢d小菜滷水鵝片就走唔甩啦，大大份，下面d豆腐勁滑，我平時好衰格，d豆腐就唔食因為難食，依間我有食呀，所以水準幾好蠔餅好大餅！我就真係食唔晒啦，食晒d蠔就算，配埋魚露，都ok，炸得香脆，又係幾十蚊，算係咁。叫返個菜清清地，叫左蒜蓉芥蘭，炒得偏油，大家可以叫其他菜🤓🤓🤓或者叫佢落少啲油，但味道都係好既最後就係食甜品！叫左楊枝甘露芒果布甸，三十五蚊但兩碗一齊上，覺得自己賺左！😎😎😎🥰🥰因為真係好食，真係估唔到中菜廳都整得咁好食甜品，真心嘅。埋單唔貴三百內搞掂，good!🤗🤗🤗